web counter
LEXO PA REKLAMA!

SHKARKO APP

App Store
Google Play

E fundit!

x

Patozi del me mesazhin e fortë/ PD-ja duhet të divorcohet nga grupi i përçarësve

17 Tetor 2022, 20:49, Politikë CNA
Patozi del me mesazhin e fortë/ PD-ja duhet të divorcohet nga grupi i
Ish-kordinatori i Bindjes Demokratike, Astrit Patozi

Për ish-kordinatorin e Bindjes Demokratike, Astrit Patozin, grupi përçarës i Enkelejd Alibeajt dhe PD-ja zyrtare duhet të ndahen.

Kjo pasi sipas tij, vetëm në këtë mënyrë do të krijohej mundësia që PD-ja të bashkohej në mënyrë reale.

Patozi tha në emisionin “Debat” se aktualisht në PD po luhet në mënyrë hileqare për t’i faturuar njëri-tjetrit mossuksesin dhe mosbashkimin.

“Këta janë realisht të ndarë, por jo juridikisht të ndarë dhe ky problem që dikush mund ta konsiderojë si avantazh, në fakt është gjëja më e keqe që ka sot PD në shtëpinë e saj.

Nëse PD do të ishte ndarë që kur nisi ky sherri, përpara se të merrnin hunjtë dhe kundërgazet për njëri-tjetrin. Po të ishin ndarë si njerëz, tani do t’i kishin të gjitha mundësitë për t'u bashkuar prap si njerëz se është interesi politika ai që mund t'i bashkojë dy copat e PD-së, pavarësisht se kjo copa e Foltores është më e madhe. Por në rastin që ata nuk e pranojnë, janë si dy bashkëshortë që jetojnë ndaras me njëri-tjetrin, por nuk kanë atë certifikatën e divorcit nga gjykata.

Këta po sillen në mënyrë hileqare me njëri-tjetrin sepse këta nuk e duan bashkimin, por po bëjnë sikur po flasin, në mënyrë që faturën e mosbashkimit në finale dhe faturën e mossuksesit në finale t’ja lënë njëri-tjetrit. Divorci duhet të kishte qenë, sa më shpejt të bëhej, aq më i shëndetshëm do të ishte dhe aq më mundësi do të kishin sot që të bashkoheshin realisht. Këta nuk kanë zgjidhur akoma hesapet me oborrin e Partisë Demokratike, kush e ka”, theksoi Patozi./ B.A. - CNA.al





Lajmet e fundit nga