web counter
LEXO PA REKLAMA!

SHKARKO APP

App Store
Google Play

E fundit!

x

Rublat “nxjerrin” Metën nga kontrolli/ Ngatërron Blushin me Putinin për të sulmuar Ramën

17 Tetor 2022, 10:16, Politikë CNA

Rublat “nxjerrin” Metën nga kontrolli/ Ngatërron Blushin

Sekretari i përgjithshëm i partisë së Ilir Metës, Tedi Blushi, ka sulmuar kryeministrin Edi Rama, në lidhje me deklaratat e këtij të fundit, se fajin për krizën eneregjitike dhe rritjen e çmimeve i ka Putini dhe Rusia që kanë nisur luftën.

Sipas Blushit të Metës, Shqipëria po paguan kostot e korrupsionit 10-vjeçar të kryeministrit kryehajdut që kërkon t'ia vërë “fajin” Putinit për hajdutëritë e tij të njohura botërisht në të gjitha raportet ndërkombëtare.

Me anë të një postimi në rrjete sociale, Blushi shkruan se kreu i regjimit putinian të Shqipërisë gjeti Putinin fajtor për hajdutëritë e tij mizore.

“Shqipëria po paguan kostot e korrupsionit 10-vjeçar të Kryeministrit Kryehajdut që kërkon t'ia verë “fajin” Putinit për hajdutëritë e tij të njohura botërisht në të gjitha raportet ndërkombëtare.

Pasi shkatërroi shtetin ligjor përmes kapjes për fyti të drejtësisë dhe të gjithë institucioneve të pavarura, pasi ndërtoi pikërisht modelin putinian të shtetit dhe ekonomisë, 'kujtohet' sot që për vjedhjet e inceneratorëve, PPP dhe afera të tjera korruptive t'ia lerë përgjegjësitë Putinit dhe nesër Perëndisë po nuk ra aq shi sa i duhet Kryehajdutit që ta shesë shumë më lirë se në tregjet ndërkombëtare dhe ta blejë prapë shumë më shtrenjtë se në tregjet ndërkombëtare.

Pra të vjedhë edhe në shitje edhe në blerje përveçse në investimet e humbura të OSHEE.

Edi, që ti nuk lodhesh së mashtruari kjo dihet se kështu e ke nisur dhe kështu do e mbyllësh. Por si nuk u lodhe duke vjedhur prej 10 vitesh”, shkruan Blushi.

Kjo deklaratë e Blushit erdhi pasi mëngjesin e sotëmn kryeministri Edi Rama, e cilësoi opozitën si “opozita e rublave” që kërkon izolimin./CNA.al

Rublat “nxjerrin” Metën nga kontrolli/ Ngatërron Blushin





Lajmet e fundit nga