web counter
LEXO PA REKLAMA!

SHKARKO APP

App Store
Google Play

Ramës nuk i del inati/ Sulmon kritikët për shërbimet "online", nxjerr fotot e radhëve të gjata

16 Tetor 2022, 17:16, Politikë CNA
Ramës nuk i del inati/ Sulmon kritikët për shërbimet
Foto nga radhët për të marrë shërbime në institucione

Kryeministrit Edi Rama nuk i ka dalë inati ndaj kritikëve për shërbimet "online" dhe sulmet kibernetike.

Me anë të një tjetër reagimi në rrjetet sociale, Rama ka publikuar disa foto ku njerëzit shihen në radhë të gjata për të marrë shërbime në institucione.

Kreu i qeverisë thotë se disa persona e kanë të pamundur të shijojnë të mirën dhe arritjen e vendit, ndërsa deklaron se shërbimet "online" nuk të lënë në radhë dhe nuk të bëjnë të nxjerrësh lekë nga xhepi.

“Disa e kanë aq të pamundur të shijojnë një të mirë, të kënaqen me një arritje të vendit, të pranojnë një ndryshim domethënës, saqë edhe kur shohin një tabelë aq kuptimplotë, si ajo e klasifikimit të Raportit të OKB për Zhvillimin Digjital të Shërbimeve Publike, ku Shqipëria renditet me meritë e 8-ta në Europë dhe e 19-ta në botë, ia nisin romuzeve, sharjeve e deri edhe akuzave për manipulim të OKB-së.

Eshtë në natyrën e njeriut ta harrojë shpejt të keqen, por sot, kur mesa duket disa nga ata që i marrin shërbimet 'online' pa mbajtur radhë e pa nxjerrë asnjë lek nga xhepi si deri dje që paguhej edhe për të hyrë pa radhë, e kanë kaq të pamundur ta vlerësojnë punën e jashtëzakonshme që është bërë në këtë drejtim, them se ia vlen t’ua rikujtojmë me disa pamje arkivash, se si ishin shërbimet për qytetarët e këtij vendi vetëm deri para disa vitesh”, shkruan kryeministri./ B.A. – CNA.al

Ramës nuk i del inati/ Sulmon kritikët për shërbimet

Ramës nuk i del inati/ Sulmon kritikët për shërbimet

Ramës nuk i del inati/ Sulmon kritikët për shërbimet

Ramës nuk i del inati/ Sulmon kritikët për shërbimet





Lajmet e fundit nga