Sondazh/ Cilin nga emrat e opozitës do zgjidhnit si kandidat për Bashkinë e Tiranës?

14 Tetor 2022, 17:37, Politikë CNA

Sondazh/ Cilin nga emrat e opozitës do zgjidhnit si kandidat për

Fotomontazh - Gerti Bogdani, Belind Këlliçi, Ilir Alimehmeti dhe Jorida Tabaku

Teksa po afron zgjedhjet vendore të vitit 2023, në media ka filluar të përflitet për disa nga kandidatët potencialë të opozitës për Tiranën.

Ndër ta janë përmendur emrat e mjekut Ilir Alimehmeti, deputetëve Belind Këlliçi e Jorida Tabaku dhe anëtarit të Kryesisë së PD-së, Gerti Bogdani.

Partia Demokratike ende nuk ka zyrtarizuar kandidatin, ndërsa ish-kryeministri Sali Berisha deklaroi mbrëmë se mirëpret këdo që dëshiron të hedhë kandidaturën.

Duke marrë shkas nga kjo, CNA.al, ka hapur një sondazh me katër emrat më të përfolur si kandidatët e mundshëm të opozitës për Bashkinë e Tiranës.

Më poshtë, po renditim nga një profil të shkurtër për 4 emrat e opozitës, ndërsa CNA.al fton shqiptarët të zgjedhin më të preferuarin e tyre.

Sondazh/ Cilin nga emrat e opozitës do zgjidhnit si kandidat për

Profil - Belind Këlliçi

Belind Këlliçi është një politikanët më të rinj në karrierë në radhët e opozitës shqiptare.

Më i riu, por më i zëshmi në çdo aspekt të jetës politike.

Këlliçi prej vitesh ka spikatur me aktivizimin e tij në politikë, në PD.

Ai u zgjodh deputet i Partisë Demokratike për Qarkun Tiranë pas zgjedhjeve të përgjithshme të vitit 2021 dhe mban detyrën e kryetarit të Forumit Rinor të Partisë Demokratike që prej Dhjetorit të 2015.

Ai ka studiuar në Shtetet e Bashkuara të Amerikës dhe në vitin 2009 është kthyer në Shqipëri për t'i shërbyer Partisë Demokratike.

Sondazh/ Cilin nga emrat e opozitës do zgjidhnit si kandidat për

Profil - Gerti Bogdani

Karrierën politike, Gerti Bogdani e ka filluar në vitin 2007, duke kandiduar për Partinë Demokratike, për kryetar të njësisë bashkiake numër 10 në Tiranë.

Bogdani ka qenë edhe zëdhënës i PD-së, është zgjedhur deputet, dhe për disa vite sekretar i marrëdhënieve me jashtë në PD.

Sondazh/ Cilin nga emrat e opozitës do zgjidhnit si kandidat për

Profil - Ilir Alimehmeti

Dr. Ilir Alimehmeti është specialist në epidemiologji dhe endokrinologji dhe pedagog në Fakultetin e Mjekësisë të Universitetit të Mjeksësisë.

Pak kohë më parë Alimehmeti u zgjodh anëtar i Komisionit të Përhershëm të Shëndetësisë të Akademisë së Shkencave të Shqipërisë.

Në dy vitet e fundit dr. Ilir Alimehmeti ka qenë në vijën e parë të frontit përballë pandemisë Covid-19.

Mjeku epidemiolog është shpallur personazhi i vitit për 2021-shin nga publiku për punën e palodhur në informimin e publikut për pandeminë e Covid-19.

Sondazh/ Cilin nga emrat e opozitës do zgjidhnit si kandidat për

Profil - Jorida Tabaku

Jorida Tabaku është deputete e Partisë Demokratike në Kuvendin e Shqipërisë.

Në vitin 2009 ajo u ftua të ishte pjesë e politikës aktive dhe u vendos në listën e kandidatëve për deputetë në qarkun e Tiranës.

Më tej, ajo u emërua zv. ministre në Ministrinë e Integrimit.

Në vitin 2011, Tabaku u angazhua në fushatën për zgjedhjet vendore në bashkinë e Tiranës dhe u emërua si nënkryetare e Bashkisë Tiranë deri në 2013-ën.

Në zgjedhjet parlamentare të Shqipërisë të vitit 2013, Jorida u zgjodh anëtare e Parlamentit të Shqipërisë në kryeqytetin e Tiranës, duke përfaqësuar Partinë Demokratike të Shqipërisë.

Tabaku është diplomuar për Administrim Biznesi në Fakultetin Ekonomik në Universitetin e Tiranës./ CNA.al

Poll