web counter
LEXO PA REKLAMA!

SHKARKO APP

App Store
Google Play

Berisha tregon arsyen/ Ja përse nuk kanë nisur protestat masive

13 Tetor 2022, 22:56, Politikë CNA
Berisha tregon arsyen/ Ja përse nuk kanë nisur protestat masive
Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka paralajmëruar sërish protesta masive kundër Qeverisë.

I pyetur se përse nuk ka pasur mobilizime të mëdha deri më tani, Berisha tha se janë duke studiuar teknikën dhe formën.

Ai theksoi në emisionin “Opinion” se PD do të flasë teknikën dhe formën.

“Po i përgatisimin protestat. Në Vaun e Dejës më thanë na njofto të vijmë me të madh e më të vogël në Tiranë. Njerëzit do vërshojnë nga e gjithë Shqipëria. Një gjë është e sigurt që Shqipëria do të njohë protestat që nuk i ka njohur kurrë më parë. Protestat kanë filluar, sindikata e pedagogëve ka nisur dhe ka një përkrahje të fortë pedagogëve, studentëve por edhe mësuesve. Fitorja e opozitës do të shtrihet nga Tirana në të katërt anët e vendit. Se për të përsëritur 7 korrikun...?

Kur të duam dhe pa asnjë mëdyshje. Po i studiojmë protestat. Për të mos bërë ata që është bërë, po studiojmë teknikën dhe formën. Po flasim me të gjitha forcat politike. Ka një front për shpëtimin e Shqipërisë. Kemi nisur forma të ndryshme dhe do shohim se cilën do përzgjedhim. Por nuk kemi asnjë lloj vështirësie për të mbajtur protesta. është varianti të mbështesim një lëvizje të madhe sindikale, apo dhe të tjera. Do flasim gjithsesi”, nënvizoi Berisha./ B.A. – CNA.al





Lajmet e fundit nga