web counter
LEXO PA REKLAMA!

SHKARKO APP

App Store
Google Play

“Falënderoj Kumbaron që vjen e pamaskuar në Kuvend”/ Ina Zhupa ironizon ministren

13 Tetor 2022, 10:39, Politikë CNA

“Falënderoj Kumbaron që vjen e pamaskuar në Kuvend”/

Deputetjae PD-së, Ina Zhupa, gjatë interpelancës në Kuvend me Ministren e Turizmit dhe Mjedisit, Mirela Kumbaro, ka thënë se kjo e fundit duhej të ishte larguar pas ngjarjeve që ndodhën në sezonin turistik.

Zhupa nuk ka kursyer ironinë me Kumbaron, duke i risjellë në vëmendje deklaratën e saj, që kontrollonte bregdetin e maskuar.

 “Edhe si deputete e një zone, e cila mbahet për turizëm dhe është një nga perlat e Shqipërisë e ndjeva për detyrë të kërkoja interpelancë për Ministren e Turizmit. E falënderoj zonjën Kumbaro që sot vjen e pamaskuar siç bënte kur inspektonte plazhet. Vendi ynë është i bekuar nga njerëzit punëtorë, por i mallkuar nga qeveritarët. Mjafton që t’ju kujtoj ngjarjet e hidhura që ndodhën gjatë sezonit turistik. Mjafton të kërkoni në 'google' se si mbytet i mituri, si mbytet vëllai, mbytet vëllai i dytë etj, nuk dua të zgjatem se janë lajme të hidhura. A ka përgjegjësi Ministrja për këto?”, është shprehur Zhupa.

Më tej deputetja e PD-së, ka përmendur ngjarje konkrete si ajo e 2 gushtit në Potam të Himarës ku humbi jetën një 6-vjeçare.

Sipas Zhupës në një shtet tjetër, Kumbaro nuk do të ishte sot në Kuvend, por do të ishte dorëhequr prej kohësh.

"Të gjithë e mbani mend vrasjen në Potam, a kishte përgjigje Kumbaro? Në një shtet tjetër nuk do të bëja interpelancë me Kumbaron, pasi ajo do kishte dhënë dorëheqjen. E dini për çfarë është përgjegjëse ministrja, për dhënien e licencave dhe mbikëqyrjen e mjeteve ujore, për distancën nga plazhistët. A mendoni se ka njëfarë përgjegjësie edhe ministrja? Sigurisht që po. Ne shihnim ministren që inspektonte Durrësin natën për plehrat, ndërsa ditën Durrësi lëngonte nga plehrat”, është shprehur Zhupa./CNA.al





Lajmet e fundit nga