web counter
LEXO PA REKLAMA!

SHKARKO APP

App Store
Google Play

E fundit!

x

Rama për Tiranën “shet” edhe Veliajn/ Manjani, thirrje opozitës

13 Tetor 2022, 09:33, Politikë CNA

Rama për Tiranën “shet” edhe Veliajn/ Manjani, thirrje

Ylli Manjani, ish-ministër i Drejtësisë nën logon e LSI-së shprehet se Edi Rama rrëzohet vetëm duke i marrë Bashkinë e Tiranës.

Sipas tij, betejën për Tiranën, Rama e ka jetë a vdekje.

Me anë të një postimi në rrjete sociale, Manjani shpjegon arsyet se përse Ramës i duhet Tirana.

“Tirana është lavatriçja më e madhe në vend e pastrimit të parave. Para droge dhe korrupsioni pushteti politik ka shumë. Jashtë mase shumë.

Tirana është vendi ku, më shumë se askund tjetër, shkarravinat e tij janë shndërruar në beton. Dhe shkarravina ai vijon të bëjë çdo ditë...

Tirana është vendi ku ai ka marrë të gjitha mandatet politike për të hypur në majë të pushtetit, nga ku së fundi çudit gjithë dynjanë.

Ndaj betejën për Tiranën e ka të jetë a vdekje”, shkruan Manjani.

Sipas tij, Rama për Tiranën i shet të gjithë, edhe Erion Veliajn e shet po të jetë nevoja...

Manjani i ka bërë thirrje opozitës që nëse duan të mundin Ramën t'i heqin nga dora Tiranën.

“Pra zgjedhjet i kemi me Ramën, jo me Velinat e tij.

Doni të mundni Ramën?

Hiqini nga dora Tiranën!

U lutem opozitarëve të mos e harrojnë këtë gjë”, shkruan ndër të tjera Manjani./CNA.al





Lajmet e fundit nga