web counter
LEXO PA REKLAMA!

SHKARKO APP

App Store
Google Play

E fundit!

x

Berisha ‘godet’ sërish Bashën/ Të sqarojë financimet ruse, nuk e pranojmë pa fakte

13 Tetor 2022, 22:01, Politikë CNA
Berisha ‘godet’ sërish Bashën/ Të sqarojë
Sali Berisha dhe Lulzim Basha

Kryetari i Partisë demokratike, Sali Berisha, ka ‘shigjetuar’ sërish Lulzim Bashën për çështjen e financimeve ruse.

Teksa po fliste për grupin e Alibeajt, Berisha tha në emisionin “Opinion” se ata janë anëtarë dhe deputetë të PD-së.

Gjithashtu, ai u shpreh se edhe Basha është pjesë e PD-së, por askush nuk e pranon pa faktuar se financimet nuk janë para ruse.

Ish-kryeministri theksoi se çështja e financimeve është një problem shumë i madh dhe është jashtë çdo imagjinate që të pranoheshin para ruse.

Pjesë nga intervista:

Berisha: Në negociata i njoh si anëtarë të PD-së, si deputetë të PD-së. Për PD-në ata janë anëtarë dhe deputetë të PD-së.

Fevziu: Përfshirë zotin Basha?

Berisha: Zoti Basha pa dyshim është, por ai është i akuzuar për një aferë që tani duhet ta sqarojë. Ai ka deklaruar mbrapa që kurrë nuk është e vërtetë, por kjo nuk i merret parasysh nëse nuk tregon dhe nuk fakton se paratë i ka marrë nga X person që s’ka asnjë lidhje nga burimet ruse.

Fevziu: E njëjta gjë që Basha bëri me ju, që s’mund të jeni anëtarë të PD-së, derisa të sqaroheni.

Berisha: Ky është një problem shumë i madh sepse kemi të bëjmë me një moment tmerrësisht problematik. Është jashtë çdo imagjinate që të pranoheshin para ruse./ B.A. - CNA.al





Lajmet e fundit nga