web counter
LEXO PA REKLAMA!

SHKARKO APP

App Store
Google Play

“Non grata” nga Britania/ Berisha: Kam dokumente, u ndikua nga Rama, Veliaj dhe Basha

13 Tetor 2022, 22:29, Politikë CNA
“Non grata” nga Britania/ Berisha: Kam dokumente, u ndikua nga Rama,
Kryetari i Partisë Demokratike, Sali Berisha,

Kryetari i Partisë Demokratike, Sali Berisha, ka komentuar shpalljen e tij “non grata” nga SHBA dhe më pas nga Britania.

Teksa është ndalur te vendimi i Britanisë së Madhe, Berisha ngriti akuzat se ambasadori britanik është ndikuar nga kryeministri Edi Rama, kryebashkiaku i Tiranës, Erion Veliaj dhe nga ish-kryetari i PD-së, Lulzim Basha.

“Nuk ka gjë më të turpshme, më qesharake, më korruptive se ajo që bërë ambasadori britanik në Tiranë… Do thoni ju si u kandis ambasadori britanik, nuk u pa, por gjatë gjithë periudhës ishte në hije një kundërshtar i prerë i përpjekjeve të mia rivendosjen e kauzës së drejtë një PD. …Edi Rama ma komunikoi mua vendimin. Në një kohë kur letra nuk kishte firmën e sekretares se u zgjodh një moment kur qeveria kishte rënë. Por letra e dërguar në emër të sekretares thoshte konfidencialitet i plotë. Mua më ishte thënë nga (Rama). Kush ia tha atij, sekretarja, apo ambasadori thua ti? Ia thanë ata me të cilët ky loboi, Edi Rama, për këtë punë. Dhe ky është një lobim korruptiv, i turpshëm. E them këtu me përgjegjësinë më të plotë”, u shpreh ai.

Kreu i PD-së tha në emisionin “Opinion” se ka dokumente për të vërtetuar akuzat e ngritura.

“Ambasadori britanik ka mbajtur qëndrim të fortë mbështetjeje ndaj Lulzim Bashës. Kjo që ka bërë ambasadori britanik është një akt i mirëfilltë korruptiv, i ndikuar nga Rama, Erion Veliaj dhe Basha. Kam dokument për këto që them”, nënvizoi Berisha, ndërsa deklaroi për shpalljen "non grata" i është drejtuar gjykatës./ B.A. - CNA.al





Lajmet e fundit nga