web counter
LEXO PA REKLAMA!

SHKARKO APP

App Store
Google Play

Grida Duma mbështet Edi Ramën për amnistinë fiskale/ “Do t’u bashkohem deputetëve socialistë”

14 Tetor 2022, 10:31, Politikë CNA

Grida Duma mbështet Edi Ramën për amnistinë fiskale/

Deputetja e PD-së, Grida Duma, është shprehur se mund të votojë nismën e qeverisë për amnistinë fiskale.

Me argumentin se nëse është për fëmijët e shqiptarëve, Duma ka thënë se mund t’u bashkohet votave të socialistëve, por kjo nuk është e specifikuar.

Duma ka thënë se qëllimi i nismës së propozuar nga Edi Rama nuk bëhet për emigrantët, por për të ashtuquajturit investitorë strategjikë. Ky është “kushti” i saj, pasi theksoi se edhe ndërkombëtarët janë kundër kësaj nisme.

“Ne kemi takime të shpeshta me ndërkombëtarët, shqetësimet e tyre na i kanë bërë të ditura, që amnistia fiskale është në dëmtim të Shqipërisë, në rrugën e integrimit dhe për vendin. Kjo është ajo që na kanë prezantuar. Ne duhet të na paraqitet ky draft i famshëm, të cilin FMN-ja e ka kthyer mbrapsht duke thënë se ajo që na është paraqitur ka probleme të mëdha.

Në dijeninë time, këto janë biseda në korridore, i është kërkuar qeverisë që të ripërcaktojë termat e referencës për amnistinë.

Në qoftë se e ka vërtetë për paratë e emigrantëve, të cilat duhet të investohen në Shqipëri, sepse ata që kanë punuar në punë të zezë, nuk kanë pasur mundësi t’i legalizojnë në vendin e tyre, ne nuk mund të jemi kundër emigrantëve tanë. Por drafti nuk është për ata, është për pika të errëta të investitorëve strategjikë.

Në qoftë se bëhet fjalë për fëmijët e shqiptarëve duhet ta shikojmë në letër këtë gjë. Sipas FMN-së nuk është kështu. Në korridoret e politikës flitet se është kthyer drafti mbrapsht. Nuk kemi shkuar ndonjëherë të votojmë një gjë kur e dimë që Amerika dhe Europa thonë 'stop', besoj se jemi forca që duhet të mbajmë linjën që mbron rrugëtimin europian të Shqipërisë”, u shpreh Grida Duma./CNA.al

 





Lajmet e fundit nga