Blloku i 7%-shit/ Meta justifikon 21 janarin, gazetari e ‘nxjerr zbuluar’

14 Tetor 2022, 22:20, Politikë CNA

Blloku i 7%-shit/ Meta justifikon 21 janarin, gazetari e ‘nxjerr

Kryetari i Partisë së Lirisë, Ilir Meta

Në vitin 2011, kryetari i Partisë së Lirisë, Ilir Meta u përfshi në një skandal korruptiv prej 700 mijë eurosh ose 7%, që thuhej se do të merret si ryshfet në këmbim të koncesioneve dhe licencave për një hidrocentral.

Kjo video u publikua asokohe nga ish-ministri Dritan Prifti, ç’ka detyroi opozitën e kohës të dilte në protesta të fuqishme.

Pikërisht këtë ia kujtoi mbrëmjen e sotme Metës gazetari Alban Dudushi, i cili i tha në sy se tragjedia e 21 janarit, ku u vranë 4 protestues, u shkaktua nga videoja për bllokun.

Kreu i PL-së tentoi të justifikohet duke deklaruar se e kishte paralajmëruar atë që do të ndodhte në protestë, ndërsa theksoi se ishte 10 hapa para të gjithëve.

Pjesë nga debati në 'Spotlight':

Dudushi: Keni thënë më të zezat për zotin Berisha. Zoti Berisha ka thënë më të zezat për juve.

Meta: Leje se çfarë kam thënë. Më fal, më fal, leje se çfarë kam thënë për atë.

Ku blloku? Meta, Rama dhe 21 janari
20 Janar, 16:18

Dudushi: ... në situatën e 21 janarit e kujtojnë të gjithë për shkak të..

Meta: Për shkak të kujt?

Dudushi: Për shkak të një videoje që doli dhe ju përplasi ju…

Meta: Pse? Po pse?

Dudushi: Ju e patë çfarë ndodhi me videon…

Meta: Çfarë ndodhi me videon?

Dudushi: Përplasjen që ju e patët me zotin Rama dhe pamë që ju…

Meta: Jo, jo, jo…

Dudushi: … me zotin Rama vajtët bashkë në zgjedhje.

Meta: Jo, jo, më fal, më fal. Më dëgjo me vëmendje…

Dudushi: Këto garanci…

Blloku i zi dhe floriri i Krrabës/ Luksit të Metës po i vjen fundi?
13 Janar, 11:07

Meta: Jo, jo, më dëgjo me vëmendje. Mirë, mirë. Dakord. Unë jap garanci për ata që pranojnë garanci, nuk them unë të pranojnë 100% e shqiptarëve garancitë e mia.

Dudushi: Unë s’kam zënë kapitull që të them shiko firmos këtu.

Meta: Ajo që ndodhi në 21 janar ishte një grusht shteti, i cili u përpoq të ndërtojë mbi një falsifikim dhe një montim edhe të qartë dhe për të parandaluar atë që ndodhi, se unë pata informacion dhe isha 10 hapa para të gjithëve. Dhe për atë që do ndodhte dhe ke dhe letrat të dërguara nga LSI-ja 10 ditë para se të ndodhte, edhe për Lulzim Bashën, edhe për drejtorin e Policisë së Shtetit dhe për drejtorin e SHISH për atë që do të ndodhte. Dhe unë kam dhënë 10 ditë përpara dorëheqjen dhe kam vajtur vetë në Prokurori në mënyrë që të mos lija asnjë arsye.

Dudushi: Nuk është kjo ajo që po diskutojmë.

Meta: Jo, jo ka rëndësi. Ka rëndësi kjo. Lulzim Basha nuk ka marrë asnjë masë për të parandaluar 21 janarin që nuk e bëri populli./ B.A. – CNA.al