web counter
LEXO PA REKLAMA!

SHKARKO APP

App Store
Google Play

E fundit!

x

Meta ‘u jep mend’ pedagogëve dhe studentëve/ Tenton të rrëmbejë kauzat e tyre

17 Tetor 2022, 16:39, Politikë CNA
Meta ‘u jep mend’ pedagogëve dhe studentëve/ Tenton
Kryetari i Partisë së Lirisë, Ilir Meta

Kryetari i Partisë së Lirisë, Ilir Meta ka dalë me një videomesazh për studentët dhe pedagogët për nisjen e fillimit të vitit të ri akademik.

Meta “u jep mend” studentëve dhe pedagogëve që të bashkohen dhe të ngrenë zërin kundër Qeverisë.

Duke tentuar të vjedhë kauzën e pedagogëve për kërkesat e ngritura, ai thotë se do të renditet krah protestës së tyre.

“Urimet më të përzemërta të gjithë studentëve e në mënyrë të veçantë, atyre që ulen për herë të parë në auditore, në këtë fillim të vitit të ri akademik!

Vitet e universitetit janë më të rëndësishmet për t’u aftësuar me njohuri që do t’jua bëjnë të ardhmen më të sigurt.

Sot, është koha të kemi një jetë universitare cilësore dhe të pavarur nga pushteti, e cila u shërben vetëm studentëve dhe të ardhmes së Shqipërisë.

Unë ju bëj thirrje studentëve që të bashkojnë dhe të ngrenë zërin e tyre së bashku me pedagogët, të cilët sot po i japin një leksion mbarë shoqërisë se si rivendoset dinjiteti në punë, se si ushtrohen të drejtat kushtetuese të protestës dhe të grevës, për të kërkuar paga dinjitoze dhe kushte të denja pune.

Partia e Lirisë mbështet plotësisht pedagogët dhe studentët dhe do të jetë gjithmonë në krah të tyre për paga dinjitoze dhe për kushte sa më të mira”, shprehet Meta./ B.A. - CNA.al





Lajmet e fundit nga