web counter
LEXO PA REKLAMA!

SHKARKO APP

App Store
Google Play

"Pagat në Prishtinë dy herë më të larta"/ Berisha, krah pedagogëve

17 Tetor 2022, 13:15, Politikë CNA

"Pagat në Prishtinë dy herë më të larta"/

Kryetari i Partisë Demokratike, Sali Berisha, ka deklaruar se është plotësisht në mbështetje të pedagogëve, duke u shprehur se protesta e tyre është legjitime dhe e drejtë.

Duke përshëndetur pedagogët, të cilët iu përgjigjën thirrjes së sindikatave, Berisha shprehet se pedagogët nuk po kërkojnë asgjë më shumë nga sa u takon. 

“Sot universitetet e vendit ishin në grevë dhe unë dua të përshëndëes përzemërsisht të gjithë ata pedagogë, punonjës universiteti e studentë që iu përgjigjën thirrjeve të sindikatave të tyre për të nisur një grevë të fuqishme, e cila ka objektiv kryesor realizimin e kërkesave të ligjshme të sindikatës së universiteteve.

Pas qëndrimit cinik, arrogant, të papërgjegjshëmn të qeverisë, sindikata vendosi të thërrasë për bojkot të mësimeve në universitetet e vendit. Ky vendim është jashtëzakonisht i rëndësishëm që synon të parandalojë shuarjen e universiteteve tona.

Pedagogë, punonjës e studentë nuk po kërkojnë asgjë tjetër veçse ato që sot gëzojnë kolegët e tyre në Prishtinë. Sot në universitetin e Prishtinës pagat janë afërsisht dy herë më të larta se në Universitetin e Tiranës”, tha Berisha./CNA.al





Lajmet e fundit nga