web counter
LEXO PA REKLAMA!

SHKARKO APP

App Store
Google Play

E fundit!

x

Deputetët bashkohen për ‘Babalen’/ Patozi: E shëmtuar, si humbi pikë PD-ja

17 Tetor 2022, 20:26, Politikë CNA
Deputetët bashkohen për ‘Babalen’/ Patozi: E
Ish-koordinatori i Bindjes Demokratike, Astrit Patozi

CNA.al siguroi sot disa foto e video të deputetit Ervin Salianji, i cili mblodhi sot para Gjykatës së Apelit disa deputetë të PD-së zyrtare dhe disa nga grupi i përçarësve të Enkelejd Alibeajt.

Por ish-koordinatori i Bindjes Demokratike, Astrit Patozi, e ka cilësuar këtë mbështetje si të shëmtuar.

Patozi tha në emisionin “Debat” se ky solidaritet nuk i bën aspak nder PD, si para qytetarëve, ashtu edhe për raportin me drejtësinë.

“Historia e ‘Babales’ nuk është ndonjë gjë për tu krenuar, as personalisht për deputetin që është i akuzuar, por edhe për PD-në, pjesë e së cilës është. Solidariteti sigurisht nuk është njerëzor se po të ishte njerëzor do të gjendej një formë tjetër.

Ti mund t’ja transmetosh tjetrit solidaritetin njerëzor duke e thirrur në telefon, duke e takuar edhe duke i dhënë mbështetje në rrafshin personal, por ky ishte solidaritet në rrafshin politik dhe ishte do të thoja për një ngjarje, në rastin më të mirë, do thoja e shëmtuar.

Ndaj, kjo nuk i bën nder PD-së, aq më tepër edhe raporti i saj me drejtësinë. Se çfarë do të thotë ajo, që këta që s’bien dakord për inceneratorët, interesi publik kush është ? Inceneratorët apo rasti ‘Babale’? Inceneratorët!

Qytetarët janë të interesuar të dinë si është e vërteta dhe si zgjidhet çështja e korrupsionit të Qeverisë, ndërkohë që këta bëhen bashkë për një gjë shumë personale dhe të shëmtuar. Ndaj dhe unë nuk e shoh si një mënyrë për të fituar pikë tek publiku, por të shëmtuar”, theksoi ai./ B.A. – CNA.al





Lajmet e fundit nga