web counter
LEXO PA REKLAMA!

SHKARKO APP

App Store
Google Play

E fundit!

x

Tabaku, leksion Qeverisë për integrimin në BE/ Detyra s’bëhet me videoklipe, por me punë

17 Tetor 2022, 16:55, Politikë CNA
Tabaku, leksion Qeverisë për integrimin në BE/ Detyra
Deputetja e Partisë Demokratike, Jorida Tabaku

Deputetja e Partisë Demokratike, Jorida Tabaku, i ka bërë leksion Qeverisë për progres raportin e BE-së, në lidhje me integrimin europian.

Duke cituar Winston Churchill, Tabaku thotë se ato që nuk mësojnë nga historia janë të dënuar ta përsërisin atë.

Ajo deklaron se detyra jonë është që të ndërtojmë Europën këtu, jo me slogane, jo me videoklipe por me zbatimin e atyre kërkesave themelore të lirisë së tregut, kapitalit, barazisë përpara ligjit dhe meritokracisë.

Më tej, deputetja shprehet ka ardhur koha të punojmë më shumë se sa të propagandojmë.

“Shqipëria nuk duhet të jetë më kandidatja e përjetshme për anëtarësim në BE!

Ashtu si thotë dhe Churchill: Ato që nuk mësojnë nga historia janë të dënuar ta përsërisin atë!

Detyra jonë është që të ndërtojmë Europën këtu, jo me slogane, jo me videoklipe por me zbatimin e atyre kërkesave themelore të lirisë së tregut, kapitalit, barazisë përpara ligjit dhe meritokracisë.

Jam shumë e bindur që procesi i integrimit është një shans që nuk duhet humbur për “brain gain”. Një mundësi e jashtëzakonshme që pasurinë e madhe që e kemi humbur gjithë këto vite, ta rikthejmë sërish këtu.

Që të ndërtojmë një shoqëri ku meritokracia, mobiliteti social dhe konkurenca të jenë bazat, ne duhet të luftojmë që çdo nismë ligjore të jetë në përputhje me parimet dhe vlerat e një demokracie institucionale.

Ka ardhur koha të punojmë më shumë se sa të propagandojmë! Ka ardhur koha të ndryshojmë, ne të parët në këtë sallë e institucionet që ne përfaqësojmë!”, shkruan deputetja në rrjetet sociale./ B.A. – CNA.al





Lajmet e fundit nga