web counter
LEXO PA REKLAMA!

SHKARKO APP

App Store
Google Play

Gjekmarkaj, ‘lojë fjalësh’/ Kërkon rikthimin e Bashës në PD

17 Tetor 2022, 22:10, Politikë CNA
Gjekmarkaj, ‘lojë fjalësh’/ Kërkon rikthimin e
Agron Gjekmarkaj dhe Lulzim Basha

Deputeti Agron Gjekmarkaj ka kërkuar mbrëmjen e sotme rikthimin e Lulzim Bashës në Partinë Demokratike.

Gjekmarkaj tha në emisionin “Now” të Erla Mëhillit se Basha duhet të rikthehet që të bëjë punën e tij si deputet.

Teksa u ndal te qëndrimet e politikanëve kundër Bashës, ai tha se nuk është e drejtë që çdokush të shkarkohet tek ish-kreu i PD-së.

“Ju folët për rikthimin e zonjës Topalli, unë mendoj se zoti Basha duhet të rikthehet në PD. Të rikthehet të bëjë punën e tij si deputet i opozitës sepse po mungon prej shumë muajsh dhe nuk po e bën këtë detyrë mendoj unë. Unë kam respekt për zotin Basha në planin njerëzor. Por tani është e udhës që kush kalon rrugës shan zotin Basha, i madh dhe i vogël nuk më duket shumë e drejtë nga ana humane që çdo gjë tek ai shkarkohet. Duket sikur është e keqja absolute, kur nuk është kështu.

Zoti Basha ka mjaft gabime politike për të cilat ai po paguan. Ndoshta gabimi i tij i fundit është që hyri në një betejë me Zoti Berishën dhe nuk qe i zoti ta bëjë betejën e vet, ndenji mbyllur në zyrat e PD-së, pothuajse gjysmë i heshtur. Me gjasë pretendoi që betejën e tij ta bënin të tjerët, unë kam bërë betejën time në fakt, nuk kam bërë betejën e Bashës”, u shpreh ai.

Gjithashtu, deputeti theksoi se nuk mund të diskutohet më për lidershipin e Lulzim Bashës.

“Basha mori një parti të madhe e shndërroi në një parti të vogël. Pati gjithë mbështetjen e botës, 9 vite në krye të opozitës, mendoj që nuk mund të diskutohet më për lidershipin e Lulzim Bashës. Nuk mund të jetë më ai lideri as i PD-së zyrtare, as i PD-së së bashkuar.

Mund të jetë një asset i kësaj partie, një deputet i saj, militant i saj, një mendje e saj, mund ta quash si të duash, por nuk shoh asnjë të ardhme politike të Lulzim Bashës si lider”, deklaroi Gjekmarkaj./ B.A. – CNA.al





Lajmet e fundit nga