web counter
LEXO PA REKLAMA!

SHKARKO APP

App Store
Google Play

Thirri policinë me Xhaferrajn dhe Salianjin/ Gjekmarkaj justifikohet për 8 janarin

17 Tetor 2022, 21:58, Politikë CNA
Thirri policinë me Xhaferrajn dhe Salianjin/ Gjekmarkaj justifikohet
Deputeti Agron Gjekamarkaj

Deputeti Agron Gjekmarkaj është justifikuar për qëndrimin e mbajtur në përplasjen mes demokratëve më 8 janar të këtij viti, para selisë blu.

Njeriu që thirri policinë, së bashku me Ferdinand Xhaferrajn e Ervin Salianjin në 8 janar, tha se ajo është ditë e zezë dhe tragjike për PD-në dhe Shqipërinë.

Ai deklaroi në emisionin “Now” me Erla Mëhillin se çdo vendim që është marrë nga PD-ja zyrtare apo grupi i Enkelejd Alibeajt, rrënjët dhe bazamentin i kanë te kjo histori.

“Janë konsumuar shumë ngjarje në harkun e një viti, janë thënë shumë fjalë, ka pasur shumë qëndrime, 8 janari ka qenë ditë tragjike e zezë për Shqipërinë në tërësi, për PD në veçanti dhe për ne si individë, qoftë për ata që ishin në oborr, qoftë ata që ishin brenda. Mendoj se çdo vendim që është marrë nga njëra palë apo pala tjetër, rrënjët dhe bazamentin e kanë pikërisht te kjo histori e konsumuar. E përsëris që vendimet politike, janë më të rëndësishme dhe prevalojnë mbi çdo vendim gjykate.

Por që të bësh procese politike duhet të kesh gatishmëri e vullnet politik në të dyja anët e jo nga njëra anë të kesh hile dhe nga ana tjetër rregulla. Duhet të kesh vullnet në të dyja anët që të kesh zgjidhje të pranueshme. Janë shumë gjëra bashkë që duhen marrë parasysh, kur të ndërtohet një proces politik”, theksoi deputeti./ B.A. – CNA.al





Lajmet e fundit nga