web counter
LEXO PA REKLAMA!

SHKARKO APP

App Store
Google Play

Emigrantëve u shkojnë zarfet pa fletën e votimeve/ PS kërkesë KQZ-së: Merrni masa

24 Prill 2025, 20:23, Politikë CNA

Emigrantëve u shkojnë zarfet pa fletën e votimeve/ PS

Partia Socialiste i është drejtuar me një ankesë KQZ-së.

PS kërkon që KQZ të marrë masa në lidhje pasi emigrantëve po u shkojnë zarfet pa fletët e votimit brenda, duke theksuar dhe se kompania nuk ka respektuar protokollet.

“Duke ju falenderuar për gjithë kontributin e vyer tuajin dhe të stafit të KQZ-së, për përmbushjen dhe realizimin e një procesi të ri, votimin e shtetasve që jetojnë jashtë vendit, për një proces sa më të drejtë dhe gjithëpërfshirës, ju bëjmë me dije si vijon:

Partia Socialiste e Shqipërisë, si subjekt zgjedhor, në vijim të bashkëpunimit sa i takon mbarëvajtjes së procesit të votimit nga jashtë, ka konstatuar disa problematika të mbërritura nga zgjedhësit jashtë territorit të Shqipërisë gjatë procesit të "Votimit nga Jashtë Vendit”, të cilat po i adresojmë pranë Jush, me qëllim identifikimin, analizimin, dhe zgjidhjen e këtyre problematikave, të cilat pengojnë funksionim efikas të të gjithë procesit.

Problematikat e evidentuara janë si më poshtë:

- Rezulton se DHL nuk po zbaton protokollin për njoftimin e zgjedhësve me email\sms (kryesisht në Greqi dhe shumë raste në Itali).

- Numrat e kontakteve të DHL-së nuk përgjigjen për zgjedhësit (kjo ndodh shumë shpesh në Greqi dhe Itali). Ka gjithashtu raste që thirrja del "call failed".

-DHL sipas detyrimeve të marrë prej saj në marrëveshje me KQZ, nuk pranon të marrë zarfin e kthimit. Ka shumë raste, sidomos në Greqi, disa raste edhe në Itali ku zgjedhësve nuk i'u ka shkuar postieri, por në disa raste i'u është kërkuar që edhe marrjen e zarfit ta bëjnë në pikën e shërbimit postar.

Janë konstatuar raste kur nga DHL nuk pranojnë kthimin e zarfit, për arsye se nuk është kryer pagesa.

-Ka shumë raste që fleta e votimit nuk ndodhet brenda zarfit. Ka ndodhur në qarqet si më poshtë:

Votues në Korcë, me vendbanim USA

- Votues në qarkun Korcë, me vendbanim në Lamia

-Votues në qarkun Fier, Cakran dhe me vendbanim në Romë

-Votues në qarkun Korcë, Pustec dhe vendbanim Angli

-Votues në qarkun Durrës dhe me vendbanim Brescia, Itali

Shënim: Rastet e mësipërme janë me të gjitha të dhënat identifikues (emër atesi, mbiemer, vendbanimi dhe qarku ku voton).

-Brenda të njëjtës familje disave ju ka shkuar zarfi dhe disave jo, të cilët janë regjistruar njëkohësisht në PER dhe me të njëjtën adresë banimi.

-Ka raste që DHL ju dërgon sms duke thënë që adresa nuk është e saktë pavarësisht se personi rikonfirmon adresën.

-Referohen raste kur korrieri ka kaluar pa njoftuar në adresat e zgjedhësit, në orare ku zgjedhësit nuk ndodhet në shtëpi. Zarfet janë kthyer mbrapsht në zyrën postare dhe as për këtë nuk janë njoftuar zgjedhësit.

-Rezulton në disa raste në Brescia, Itali dhe votues në qarkun e Durrësit, të cilët kanë përfunduar procedurën sipas manualit udhëzues të KQZ, por posta DHL nuk pranon të marrë zarfet me pretendimin se nuk i njeh Bar Code-et.

Sa sipër, duke mbajtur në konsideratë rëndësinë e këtij procesi, kërkojmë adresimin e këtyre problematikave nga ana juaj pranë DHL, duke marrë masa të menjëhershme për zgjidhjen e tyre”, theksohet ndër të tjera në kërkesën e PS./ CNA

Emigrantëve u shkojnë zarfet pa fletën e votimeve/ PS

 





Lajmet e fundit nga