LEXO PA REKLAMA!

SHKARKO APP

Bylykbashi zbardh “prapaskenat”/ Gjykata ktheu për shqyrtim çështjen e vulës nga presioni i Ramës

3 Mars 2023, 19:09, Politikë CNA
Bylykbashi zbardh “prapaskenat”/ Gjykata ktheu për shqyrtim
Nënkryetari i PD-së, Oerd Bylykbashi

Nënkryetari i PD-së, Oerd Bylykbashi, ka reaguar ashpër pas vendimit të Gjykatës së Apelit për të rikthyer në Gjykatën e Faktit çështjen e vulës.

Bylykbashi tha në një prononcim për mediat se vendimi u mor nën persionin e kryeministrit Edi Rama.

Sipas tij, qëllimi ishte që të përjashtojë PD-në nga zgjedhjet e 14 majit.

“Nuk ka asnjë lloj ekuivoku, ky vendim i sotëm i marrë haptazi nën presionin e Edi Ramës, i paralajmëruar që disa ditë më përpara nga ministrja e Edi Ramës, me një presion që ka vazhduar gjatë gjithë kësaj kohe, e ishte edhe sot në sallë, presioni mbi gjykatën, është vendim për përjashtimin e opozitës nga zgjedhjet. Nuk ka asnjë kuptim tjetër. Është një vendim që haptazi ka thyer çdo rregull që deri më sot, ka vendosur jo vetëm legjislatori, por edhe jurisprudenca, duke pranuar ankimin e një pale nuk përbën as minorancë në PD, por i ka shërbyer gjatë gjithë kësaj kohe vetëm një qëllimi; përpjekjen e Edi Ramës që të mos ketë përballë një opozitë të vërtetë”, u shpreh ai ndër të tjera./ CNA.al

Lajmet e fundit nga