web counter
LEXO PA REKLAMA!

SHKARKO APP

App Store
Google Play

Berisha mohon zërat/ “Nuk mungon rinia në PD”

13 Dhjetor 2024, 11:44, Politikë CNA

Berisha mohon zërat/ “Nuk mungon rinia në PD”

Kreu i PD-së, Sali Berisha, ka deklaruar në emisionin "Opinion" se nuk mungojnë të rinjtë në PD dhe se ata janë pjesa më aktive.

Kështu Berisha ka hedhur poshtë zërat se është i braktisur nga të rinjtë.

“E them me bindjen më të thellë se fitorja do të arrihet, do të varet vetëm nga aftësia e PD-së për t’u bazuar te të rinjtë. Për t’i nxjerrë ata në ballë. Unë po vij këtu në këtë studio nga një aktivitet në të cilën u diplomuan 300 të rinj. Me të vërtetë përjetova ndjesi shumë të veçanta. Së pari ka një fatkeqësi shumë të madhe që gjysma e të rinjve kanë ikur, por kjo dyfishon detyrimin që çdo anëtar i PD-së duhet ta ketë të qartë se fitorja kalon nëpërmjet aktivizimit të të rinjve. Sot, një i ri në diktaturë i aktivizuar me opozitën nuk është e lehtë.

Nëse në 2005-ën, PD u paraqit me KOP-in, sot do paraqitet me Departament. Unë kam konstatuar se prania e të rinjve në salla me qytetarë, fjala e tyre ka një mirëpritje të veçantë. Në radhë të parë, ne kemi një departament të tërë me dhjetëra e dhjetëra vajza e djem të shkolluar në shkollat më të mira të Perëndimit, e të tjerë këtu që përbëjnë softin e mrekullueshëm, bërthamën.

Ata kanë zhviluar aktivitete, po opozita censurohet. Kanë qenë vokal në çdo zhvillim, kanë organizimin e tyre. Kanë bërë pjesë të programit, kanë bërë xhiron e simboleve, kanë një podcast ndër më të ndjekurit. Po përgatisin një botim të ri për narko-diktaturën, ata s’kanë marrë vëmendjen e duhur për shkak të mediave të narko-qeverisë. Edhe në rrjetet sociale, kjo qeveri shpenzon qindra mijëra duke blerë reporte për të bllokuar mediat sociale të kundërshtarëve.”

Kreu i demokratëve deklaroi po ashtu se do të zhvillohen “Primaret”.

“Sigurisht, statuti është! Për të përjashtuar ose jo e vendos Këshilli Kombëtar. Natyrisht disa sensitivitete janë të domosdoshme. Zonjat do të futen në primare, por me kuotën e tyre.”/ CNA





Lajmet e fundit nga