web counter
LEXO PA REKLAMA!

SHKARKO APP

App Store
Google Play

Basha e pranon që nuk ka qenë kurrë kryetar

13 Dhjetor 2024, 10:12, Politikë CNA

Basha e pranon që nuk ka qenë kurrë kryetar

Kryetari pa parti, Luli Basha, ka pranuar se nuk ka qenë kurrë kryetari i PD-së, pasi gjithmonë pas tij në prapaskenë ka qëndruar Sali Berisha dhe strukturat nuk i bindeshin pa lejen e liderit të opozitës.

Në një intervistë për "MCN TV", Basha është shprehur se nuk bëhet asgjë pa miratimin e Berishës.

“Po flet për dualizmin. E para e punës, në 2013 ndodhi një tranzicion lidershipi, që si rregull duhet të sillte edhe një tranzicion brezash, por nuk ishte i plotë në kuptimin, që paraardhësi nuk ishte një nga liderët, por themelues dhe figurë qëndrore e PD-së dhe e Shqipërisë, ish-president, ish-kryeministër, figurë historike.

Tranzicione të tilla, do të thotë që kur jep dorëheqjen largohesh nga skena, qëndron ndoshta edhe në prapaskenë, në festat e partive, kur ka kriza, kam parasysh modelet perëndimore.

Qëndrimi i tij në Parlament dhe roli aktiv që mbante, u pa nga një pjesë e njerëzve afër meje, si diçka e dëmshme për konsolidimin e lidershipit të ri.

Nga ana tjetër, një pjesë e njerëzve afër meje ishin të vetëdijshëm, që tranzicioni nga lidershipi me dorë të hekurt i Berishës, kërkonte një proces gradual.

Nuk ishte vetëm Berisha, gjithë grupi parlamentar, gjithë kabineti i zotit Berisha, pra ishte tranzicioni i brezave nuk kishte ndodhur, përveçse në nivelin më të lartë.

Strukturat ishin njerëz që ishin mësuar me lejen e 'Marshallit', pra ishte një kulturë që ishte mësuar të funksiononte me një centralizëm absolut dhe me një mungesë iniciative.

Pra 'nuk bëhet gjë pa i thënë atij'. Partia ishte në këtë gjendje dhe duhej një gradualitet”, ka deklaruar Basha./ CNA





Lajmet e fundit nga