web counter
LEXO PA REKLAMA!

SHKARKO APP

App Store
Google Play

Bardhi, akuza mazhorancës/ "Po shpallni Republikën Xhaçka, shembull i gabuar për qytetarët"

12 Dhjetor 2024, 17:27, Politikë CNA
Bardhi, akuza mazhorancës/ "Po shpallni Republikën Xhaçka,
Kreu i Grupit Parlamentar të Partisë Demokratike, Gazment Bardhi

Kreu i Grupit Parlamentar të Partisë Demokratike, Gazment Bardhi, ngiri akuza ndaj mazhorancës, teksa foli në Kuvend për opinionin e Komisionit të Venecias lidhur me mandatin e Olta Xhaçkës.

Bardhi tha se mazhoranca po shpall Republikën Xhaçka dhe po i jep qytetarëve një mesazh të gabuar duke mos zbatuar vendimin e Gjykatës Kushtetuese.

“Ju jeni e vetmja mazhorancë që në 34 vite dy vendet e GJK i keni hedhur në kosh. Çfarë shembulli u jepni ju qytetarëve që kanë një konflikt gjyqësor dhe e zgjidhni me vendim gjykate. U thoni po ju pëlqeu një vendim gjykate zbatojeni, po nuk ju pëlqeu, shpallni Republikën Xhaçka dhe mos e zbatoni vendimin e gjykatës. Ky është shembulli që ju transmetoni.

Për turpin tuaj, u zotua publikisht se sa të vinte opinioni i Komisionit të Venecias do ta zbatonte. Por çfarë bëri, shpiku një opinion që nuk ekziston. U tha shqiptarëve se Kuvendi është i pavarur dhe nuk i bindet Gjykatës Kushtetuese. Nxorën lajme të rreme pa asnjë dokument dhe pa asnjë bazë dhe më pas e shpërndanë si një fake news në të gjitha mediat”, u shpreh ai.

Kreu i Grupit Parlamentar të PD-së kërkoi që çështja e Xhaçkës të dërgohet në Gjykatën Kushtetuese.

“Komisioni i Venecias u ka thënë atë që ju kemi thënë ne në këtë sallë, atë që ka thënë Gjykata Kushtetuese, që nuk mund të ngrini pavarësinë tuaj apo lirinë tuaj të votës kur bëhet fjalë për vendimet e GJK. Nuk mund të konsiderohet si imponim i një mënyre votimi, por përmbushje përgjegjësie.

Prandaj, fusni menjëherë në rend dite. Dorëzojani drejtësisë Olta Xhaçkën, të vendosë GjK nëse është apo jo në kushtet e papajtueshmërisë. Çdo sjellje e kundërt ndaj saj është minim i shtetit të së drejtës”, theksoi Bardhi./ CNA





Lajmet e fundit nga