web counter
LEXO PA REKLAMA!

SHKARKO APP

App Store
Google Play

E fundit!

x

Gjykata e Tiranës fshin përfundimisht Bashën/ Regjistron Sali Berishën kryetar të PD-së

11 Dhjetor 2024, 15:19, Politikë CNA

Gjykata e Tiranës fshin përfundimisht Bashën/ Regjistron Sali

Gjykata e Tiranës ka regjistruar në zyrën e regjistrit të partive politike Partinë Demokratike me kryetar Sali Berishën.

Kështu Gjykata e Tiranës ka njohur zyrtarisht Sali Berishën kryetar të PD-së, pas vendimit të Gjykatës së Apelit për çështjen e vulës në qershor të 2024-ës.

Me këtë veprim, Gjykata e Tiranës ka fshirë përfundimisht emrin e Lulzim Bashës nga regjistrat e partive politike.

Gjykata e Tiranës fshin përfundimisht Bashën/ Regjistron Sali

Ky vendim i sotëm u jep fund zvarritjeve të shumta të çështjes së vulës dhe logos së PD-së.

Përplasjet për PD-në nisën para 3 vitesh. Gjithçka nisi me shpalljen "non grata" të Berishës nga SHBA-ja.

Pasi Lulzim Basha e përjashtoi nga PD-ja më 9 nëntor 2021, lideri historik i demokratëve bëri lëvizjen e tij. Më 11 dhjetor 2021, në 31-vjetorin e themelimit të partisë, ai thirri Kuvendin e PD-së. Ditë në të cilën u krijua Komisioni i Rithemelimit. Basha iu përgjigj me një tjetër Kuvend, 7 ditë më vonë.

Nga Lezha, mbështetësit e tij kërkuan jo vetëm largimin e Lulzim Bashës, por edhe ndryshime statutore. Mes të cilave, rikthimi i referendumit për zgjedhjen e Kryeministrit.

Situata kulmoi me protestën e 8 janarit 2022, kur selia blu u kthye në “arenë konflikti” dhe njerëzit e Bashës dhunuan demokratët që mbështesnin Berishën.

Më vonë, në mars të 2022-shit, gjyqtari Agron Zhukri e cilësoi legjitim vendimin e Kuvendit të Berishës për heqjen e Bashës si kryetar i forcës më të madhe opozitare në vend.

Tashmë, zyrtarisht Berisha rezulton në regjistrin e partive politike si kryetar i PD-së./ CNA





Lajmet e fundit nga