web counter
LEXO PA REKLAMA!

SHKARKO APP

App Store
Google Play

Xhafaj “i nxjerr dhëmbët” Dumanit

11 Dhjetor 2024, 17:38, Politikë CNA

Xhafaj “i nxjerr dhëmbët” Dumanit

Fatmir Xhafaj, me mbështetjen e kryeministrit Edi Rama ka organizuar një mbledhje të komsionit të tij, ku ka thirrur edhe ambasadorët e akredituar në Shqipëri.

Xhafaj “i ka nxjerrë dhëmbët” kreut të SPAK-ut, Altin Dumani, i cili po lufton korrupsionin, duke e shitur mbledhjen si një takim për procesin e thellimit të reformave të mirëqeverisjes, sundimit të ligjit dhe antikorrupsionit.

Ai deklaroi se projektin e tij do ta dërgojë deri në fund, pavarësisht sfidave që do t’i dalin përpara.

“Kur e nisëm këtë proces më shumë se një vit më parë u desh të qartësoheshim mes nesh, fillimisht si mazhorancë. Edhe në bisedimet dhe diskutimet me Edi Ramën, së pari për t’u dakordësuar mes nesh për t’i dhënë rrugë projektit me reforma, që u shoqëruar edhe me dyshime dhe spekulime ku ende s’ishte bërë publik asnjë dokument i vetëm.

Koha po provon të kundërtën, ashtu sikurse ndodhi edhe me reformën në drejtësi. Sepse edhe si me reformën në drejtësi ne kemi një projekt për ta realizuar për transformime të reja shtetndërtuese. U përballëm me këto sfida për ta bërë rrugën e lehtë të Shqipërisë në BE më 2030. Kjo është rruga jo në interes të fëmijëve tanë të ardhmes së tyre për të konsoliduar demokracinë dhe shtetin e të drejtës”, theksoi Xhafaj./ CNA





Lajmet e fundit nga