web counter
LEXO PA REKLAMA!

SHKARKO APP

App Store
Google Play

“Je njeri në hall për një karrige”/ Manastirliu i përgjigjet ashpër Zhupës

12 Dhjetor 2024, 14:22, Politikë CNA

“Je njeri në hall për një karrige”/ Manastirliu i

Ministrja e Arsimit dhe Sportit, Ogerta Manastirliu, është paraqitur në interpelancë pas thirrjes së opozitës në lidhje me vrasjen e 14-vjeçarit Martin Cani pas një sherri me thika mes bashkëmoshatarëve në Tiranë.

Në fjalën e saj, Manastirliu e akuzoi Zhupën për mungesë ndjeshmërie dhe përpjekje për të politizuar një ngjarje tragjike.

"U ngrite në foltore për të folur për bullizimin dhe tregove që je bulliste. Njeriu më në hall je ti, në hall për një karrige. Të shfrytëzosh një ngjarje fatkeqe për përfitime politike është të tregosh mungesë të thellë respekti ndaj atyre që kanë vuajtur dhe vuajnë. Ne jemi këtu për të diskutuar dhe për të ofruar mbështetje për të gjetur zgjidhje të qëndrueshme, nuk jemi këtu për ta kthyer dhimbjen e njerëzve në platformë politike të ditës", tha Manastirliu. 

Deputetja e PD-së, Ina Zhupa, hodhi akuza ndaj ministres dhe qeverisë për vrasjen 14-vjeçarit muajin e kaluar. Ndërkohë që në fillim të seancës Zhupa vendosi një pankartë me nënshkrimin “Ogerta jep dorëheqjen” referuar ministres së Arsimit, Ogerta Manastirliu. Ndërkohë kryetarja e Kuvendit, Elisa Spiropali, i kërkoi Zhupës të hiqte nga dora pankartën në mënyrë që të vazhdonte fjalimin.

"S’do t'i marr leje unë Spiropalit çfarë do mbaj në dorë. Zonja ministre karrigen time unë e kam dhe e shfrytëzoj në interes publik. Një ministre që ka rekorde për hajdutëri, vjedhje dhe për vdekje, nuk vjen këtu të japë moral se si duhet të sillemi. Shqiptarët i dëmton më shumë vjedhja që i bëni fondet publike, sesa fjala e një opozitari", tha Zhupa. 

Po ashtu tensione u krijuan në seancën ku u shoqëruan edhe me reagime të tjera gjatë interpelancës. Spiropali akuzoi Zhupën se interpelancën e përdori sërish për të fyer deputetët.

Ndërkaq pas debateve, seanca filloi punën për rend dite./ CNA





Lajmet e fundit nga