web counter
LEXO PA REKLAMA!

SHKARKO APP

App Store
Google Play

E fundit!

x

11 muaj në arrest shtëpie/ Berisha: Privatizimi i lirisë, akti më i rëndë për një njeri para ekzekutimit të tij

12 Dhjetor 2024, 21:24, Politikë CNA
11 muaj në arrest shtëpie/ Berisha: Privatizimi i lirisë, akti
Kreu i Partisë Demokratike, Sali Berisha

Ish-kryeministri dhe njëherazi edhe kreu i Partisë Demokratike, Sali Berisha i ftuar në emisionin “Opinon” ka folur për 11 muajt ku ka qenë në masën e sigurisë “Arrest në shtpë.

Berisha u shpreh se privatizimi i lirisë është akti më i rëndë për një njeri para ekzekutimit të tij.

“Vërtet arrest shtëpie, por në disa aspekte po të keni parasysh kushtet, unë isha brenda 4 mureve. Pa një oborr dhe pa një të drejtë lirie, që përcaktohet në çdo paraburgim në çdo shtet të botës, përveçse në atë që urdhëron Edi Rama. Natyrisht privimi i lirisë është akti më i rëndë për një njeri para ekzekutimit të tij.”

Nuk mund të mos kujtojmë videot virale të Berishës në tarracën e shtëpisë së tij. Për të, ecja është element thelbësor i përditshmërisë.

Ai shtoi se edhe kontaktet i ka pasur të reduktuara, pasi GJKKO i lejonte të takohej vetëm me familjarët e ngushtë.

“Po avoketërit?! Kjo s’ndodh në asnjë diktaturë, ti s’mund të paraburgosësh një njeri pa pasur avokatin”, tha Berisha.

Kujtojmë se masa e “arrestit në shtëpi” ndaj ish-kryeministrit erdhi në kuadër të hetimeve për ish-klubin sportiv “Partizani”.





Lajmet e fundit nga