web counter
LEXO PA REKLAMA!

SHKARKO APP

App Store
Google Play

E fundit!

x

Deklarata e Zaçajt/ Bardhi: Thirreni në Kuvend, të tregojë kush po i bën presion gjyqtarëve

12 Dhjetor 2024, 19:13, Politikë CNA
Deklarata e Zaçajt/ Bardhi: Thirreni në Kuvend, të tregojë
Kreu i grupit të PD-së, Gazment Bardhi

Kreu i grupit të PD-së, Gazment Bardhi, ka reaguar pas deklaratës së kryetares së Gjykatës Kushtetuese, Holta Zaçaj, për mandatin e saj.

Bardhi ka kërkuar që Zaçaj të thirret në Kuvend dhe të pyetet se kush po i bën presion gjyqtarëve.

Ai ka deklaruar se presioni mbi gjyqtarët ngre pikëpyetje mbi ekzistencën e dy institucioneve të drejtësisë.

“Kryetarja e Gjykatës kushtetuese ka deklaruar se ka presioni politik, ekonomik mbi anëtarët e gjykatës. Mua më shqetëson kjo çështje ngre pikëpyetje mbi ekzistencën e dy institucioneve të larta, prandaj ne nuk duhet të qëndrojmë jashtë këtij debati. Ne duhet të kemi një seancë urgjente dëgjimore të kryetares së Gjykatës Kushtetuese dhe atij të Gjykatës së Lartë.

Ne nuk do duhet si Kuvend të qëndrojmë jashtë këtij debati që po fut Kushtetuesen e Shqipërisë në një ngërç kushtueses. Mund ta fusë Shqipërinë në një rrugë ku të kemi disa anëtarë të GJK, disa që mbajnë zyrën me dhunë, disa atë tjerë që zgjidhen nga organet e emërtesës duke sjellë pasoja për shtetin. Kjo mund të na krijojë probleme në Gjykatën Europiane të të drejtave të Njeriut”, ka theksuar Bardhi./ CNA





Lajmet e fundit nga