web counter
LEXO PA REKLAMA!

SHKARKO APP

App Store
Google Play

E fundit!

x

Xhaçka "mollë sherri" në Kuvend/ Shehaj: Prezantoi kunatën si investitore amerikane

12 Dhjetor 2024, 21:11, Politikë CNA
Xhaçka "mollë sherri" në Kuvend/ Shehaj: Prezantoi
Deputeti Agron Shehaj

Deputeti Agron Shehaj i ftuar në emision e Erla Mëhillit ka diskutuar për mandatin e deputetit të Olta Xhaçkës, pasi për një kohë të gjatë është kthyer në një “mollë sherri” në Kuvend.

Gjatë fjalës së tij, Shehaj tha se Xhaçka ka marrë kunatën e vetë dhe e ka prezantuar si investitore amerikane që donte të investonte në Shqipëri, por në fakt ishte famlija Xhaçka ajo që donte të invstonte.

Sipas Shehaj, në vendin tonë çdo gjë funksionon me mik. Gjatë një seance plenare disa ditë më parë Shehaj publikoi videon e një babai që kishte humbur të birin dhe deputeti u shpreh se ministrja e Shëndetësisë i tha pa pikë turpi “nëse ke patur këtë shqetësim, hajde tek unë”.

Nga ana tjetër, Shehaj u shpreh se nuk pritet që Shqipëria të bëhet me kërcitje gishtash, por ai tha se me kalimin e viteve të bëhemi një vend normal, gjë e cila nuk ka ndodhur.

"Xhaçka ka marrë kunatën e vetë dhe e ka shitur si një investatore amerikane që do të investonte në Shqipëri, por në fakt investimin do e bënte familja Xhaçka. Ky është vendi ku çdo gjë funksionon me mik dhe ministrja pa të keq tha se nesë ke patur këtë shqetësim hajde te unë. Ne presim që me kalimin e viteve të bëhet një vend normal, s’po pretendojmë ta bëjmë vendin më të mirë menjëherë. Por, Shqipëria s’ka bërë asnjë kongres deri më tani."/CNA





Lajmet e fundit nga