web counter
LEXO PA REKLAMA!

SHKARKO APP

App Store
Google Play

E fundit!

x

Ku janë kolosët e Luli Bashës?

13 Dhjetor 2024, 11:00, Politikë CNA

Ku janë kolosët e Luli Bashës?

Luli Basha i mbetur pa parti dhe pa mbështetje ka shpallur prej disa muajsh emërtimin e grupimit të tij “Demokratët Euroatlantikë” që nuk e di as vetë se kë ka anëtar.

Basha, i ftuar në televizionin "MCN", është shprehur se në grupimin e tij ka kolosë që nuk kanë lëpirë atë që kanë pështyrë dhe se nuk e shohin PD-në si mënyrë të përfitimit personal.

Kujtojmë që Luli Bashës pas bashkimit të grupimit të Bardhit në diversitet me “Rithemelimin” dhe pasi Enkelejd Alibeaj formoi Partinë “Djathtas 1912” me një pjesë të deputetëve të mbetur jashtë, i ka mbetur vetëm Oriola Pampuri.

Basha, i mbetur pa vulë dhe pa parti, ende nuk ka prezantuar asnjë drejtues politik dhe nuk ka nisur ende përgatitjen për fushatën, por zgjodhi të na tregojë cilësitë e jashtëzakonshme të njerëzve të mbetur ende në grupimin e tij, para se të prezantojë vetë ata.

“E kemi Demokratët Euroatlantikë. Do të përdorim hapësirën që na jep Kodi që lista e hapur dhe programi ynë të jenë ofertë. Janë njerëz që e kanë parë PD-në si mënyrë përfitimi personal. Jam i lumtur që nuk janë më në krahun tim. Sot kam njerëz që janë kolosë. Ndoshta emrat e tyre nuk kanë arritur të shpalosen në media, por janë njerëz që kanë luftuar dhe kanë qëndruar. Kolosë në qëndrim, kolosë në mendim, kolosë në angazhim, sepse në një kohë të vështirë kur njerëzve që u kishim vënë spaletat e rënda dhe shkuan të lëpijnë atë që kishin pështyrë, këta njerëz të tjerë, që ti ndoshta i njeh një pjesë prej tyre. Kanë qenë deputetë, anëtarë kryesie"./ CNA





Lajmet e fundit nga