web counter
LEXO PA REKLAMA!

SHKARKO APP

App Store
Google Play

Basha: Sali Berisha tha "fitore, fitore, fitore" pas marrëveshjes së 17 majit me Ramën

13 Dhjetor 2024, 10:35, Politikë CNA

Basha: Sali Berisha tha "fitore, fitore, fitore" pas marrëveshjes

Lulzim Basha ka deklaruar në "MCN TV" se Sali Berisha, jo vetëm që ishte dakord me marrëveshjen e 17 majit me Edi Ramën, por tha se Berisha e ka quajtur fitore të madhe, pasi kjo do t'u hapte rrugë zgjedhjeve dhe daljes nga kriza politike.

"Win, win, win (Fitore, fitore, fitore)", kjo është fraza që ka thënë Berisha pas marrëveshjes me Ramën, sipas Lulzim Bashës.

“Konteksti është ky, ne ishim në një lëvizje që nisi që me 16 shkurt me ngritjen e çadrës, për të imponuar, pasi kishim denoncuar skandalet, ato që i dinë të gjithë, që Rama bashkëpunonte me bandat për të grabitur zgjedhjet, që edhe mandati i tij sot, është prodhim i bandave. Për këtë ngritëm kauzën që me këtë sistem nuk shkohet në zgjedhje të lira dhe të ndershme. Për këtë arsye nisëm aksionin që njihet si çadra. Marrëveshja e 17 majit, baza e saj, është dokumenti që solli i dërguari i posaçëm i Presidentit Trump dhe DASH, që solli një dokument për t'i dhënë fund krizës. Ky dokument, publik, ishte baza e marrëveshjes. Përveç kësaj diplomati amerikan, lëshoi këtë paralajmërim, kush e pranon këtë është 'ok', kush e refuzon do të ketë sanksione. Nëse merr atë dokument dhe e krahason me marrëveshjen, ajo është publikuar nga PD dhe PS. Berisha, Topalli, Besnik Mustafaj, patriarkët e PD, e kanë duartrokitur si një marrëveshje 'win-win', që i dha fund krizës. Berisha i pari ka thënë 'win,win, win' (fitore, fitore, fitore), marrëveshje ku fitojnë të gjithë palët dhe zhbllokohen zgjedhjet"./ CNA





Lajmet e fundit nga