web counter
LEXO PA REKLAMA!

SHKARKO APP

App Store
Google Play

Berisha ironizon Ramën nga Elbasani: U premton të rinjve 2 kg fara kungulli

7 Maj 2025, 21:13, Politikë CNA

Berisha ironizon Ramën nga Elbasani: U premton të rinjve 2 kg fara

Kreu i PD-së Sali Berisha ka ironizuar kryeministrin Edi Rama nga Elbasani, ku ka mabjtur takimin përmbyllës.

Berisha u shpreh se Rama nuk ka asgjë tjetër për tu thënë të rinjve dhe u premton atyre 2 kilogram fara kungulli të qëruara.

“E dëgjoja në Tepelenë, kishte një grup të rinjsh përpara, burreci 2 metra i gjatë, dhe u thoshte se në mandatin tonë të katërt, do keni nga dy kg fara kungulli të qëruar në muaj.Ky është vlerësimi.

Unë u garantoj se edhe pushtuesi më i egër joshqiptar po të ishte, në këtë katastrofë demografike nuk do guxonte kurrë t’u thoshte të rinjve se do u servirim mandatin e ardhshëm dy kile farë kungulli në muaj.

Pra, ky është preokupimi.Duke ardhur këtu, një zonjë te kthesa më përshëndeti me grusht. E përshëndeta me dy gishta.

Tani më lejoni t’i them asaj zonje: zonjë, ne mund të kemi mendime të ndryshme, por ne kurrë, as unë as ti, nuk mund të jemi për djepin bosh.Nuk mund të jemi që të ikë rinia, ëndrra e Shqipërisë dhe të mbetemi këtu në këtë formë.

Nuk mund të jemi t’u ofrojmë dy kile farë kungulli në muaj.Nuk mund të jemi për cinizma të tilla.Prandaj ata të cilët nuk janë në Shqipëri, nuk janë shqiptarë, Michael Martens nuk është shqiptar, është publicist gjerman i njohur, pikërisht për këto i thotë Edi Ramës, ti je kryeministri më i mirë i Serbisë pas Pashiqit.

Sepse nuk mbrohen më mirë interesat e Serbisë se sa t’u thuash të rinjve se do kenë dy kile fara kungulli mandatin që vjen”, tha Berisha./ CNA





Lajmet e fundit nga