web counter
LEXO PA REKLAMA!

SHKARKO APP

App Store
Google Play

E fundit!

x

Autoriteti i Dosjes 'nxjerr' Metën nga kontrolli/ Flet për “ëndrra” me kryetarë

27 Korrik 2022, 14:18, Politikë CNA

Autoriteti i Dosjes 'nxjerr' Metën nga kontrolli/ Flet për

Ish-Presidenti Ilir Meta në një deklaratë për mediat është shprehur se Autoriteti i Dosjeve nuk ekziston më për të, pasi sipas tij tashmë është autoriteti i manipulimit dhe i kriminalitetit të dosjeve.

I pyetur nga gazetarët nëse do të padisë Autoritetin e dosjeve, Meta tha:

“Nuk ekziton më për mua Autoriteti i Dosjeve. Do e shikoni si përfundon kjo histori, emrat e tyre do gdhenden në shtyllën e turpit. Qenka shqetësuar regjimi i patronazhistëve që ka vënë në survejim gjithë popullin shqiptar që paska ardhur një email për dikë që duhet të jetë Ilir Meta, muhabete, përralla të tilla. Ku ka më Autoritet Dosjesh, shkojnë bëjnë ligj për një person. Kush i ka penguar ata të hetojnë. Edhe kur isha president nuk janë penguar. Për këtë lojë që po hapin do e mbajnë ata përgjegjësinë. Për fëmijët e mi s’kanë asnjë shqetësim. Kanë dëgjuar gjëra shumë herë më të rënda jo vetëm për babanë, por edhe për mamanë. Problemi ka vetëm një emër: Autoriteti i Dosjeve, si një autoritet i manipulimit dhe kriminalizimit të të vërtetave. Ata e dinë shumë mirë këtë histori: asgjë nuk e shpëton KM-në. Historia e tij ka përfunduar, është shprehur Meta.

Ndër të tjera, Meta deklaroi se për sa i përket kësaj çështjeje siguron qytetarët se ka qenë, është dhe do të jetë i pastër në ndërgjegjen e tij.

Ndërsa thekson se ëndrra e tij tani është të bëhet kryetar i Referendumit.

“Tani Partia e Lirisë, e ka mbyllur hesapin me Esatin, kështu për çështjen në fjalë dua të siguroj të gjithë qytetarët që Ilir Meta është këtu pas 30 vitesh angazhimi politk, jo se s’ka bërë gabime, por është këtu se ka qenë, është, dhe do të jetë i pastër në ndërgjegjen e tij, në të vërtetat e tij, por jo vetëm kaq, por do të vazhdojë edhe për 40-50 vite të tjera. Ëndrra ime tani është të bëhem kryetar i referendumit”, vijoi më tej Meta./CNA.al





Lajmet e fundit nga