web counter
LEXO PA REKLAMA!

SHKARKO APP

App Store
Google Play

E fundit!

x

Në panik nga dosjet/ Meta sulmon Lindita Nikollën

27 Korrik 2022, 13:57, Politikë CNA

Në panik nga dosjet/ Meta sulmon Lindita Nikollën

Ish-presidenti Ilir Meta është shfaqur në panik sot nga lajmi që ka qarkulluar në media, ku sipas Autoritetit të Dosjeve, një politikan I.M. ka qenë ish-bashkëpunëtor i Sigurimit të Shtetit.

Gjatë një deklarate për mediat, Meta ka sulmuar Autoritetin e Dosjeve, por edhe kryetaren e Kuvendit Lindita Nikolla.

"Nuk ka shqiptar mbi këtë tokë që nuk e kupton këtë akt vetëvrasës.

Autoriteti i Dosjeve para se të jetë autoritet ligjor, është autoritet moral.

Është për të ardhur keq për Autoritetin tashmë të manipulimit dhe kriminalizimit të dosjeve, se ata e dinë më mirë se kushdo se sa e manipuluar është në ato dosje që thonë ata, me një email anonim, që do gajaseni të gjithë, thotë se na qenka një I. M., që sipas lojërave të mediave të inceneratorëve, pas 30 e ca vitesh, qenka ky njeri, i cili që në mars ‘92 është bërë deputet dhe u është nënshtruar të gjithë filtrave të të gjitha kohërave.

Pse bëhet kjo?

Çfarë i kushton këtij autoriteti që të thërriste I. M., që është ky këtu, që është Ilir Rexhep Metaj, ka emër e mbiemër.

E pse u dashka të bëhej një ligj me urgjencë?

A ka njeri që e beson këtë gjë?

Dhe patjetër u ngrit parlamenti në këmbë. Po cili parlament me në krye zonjën Nikolla apo Lindita e Ramës në parlament që përdoret për nevojat personale, për të shpëtuar nga afera më e rëndë ku vetëm maja e ajsbergut ka dalë në dritë, por që do përvëlohet të gjithë si minjtë në furrën e drejtësisë.

Kush e ndalon këtë autoritet të bëjë publike. Unë në atë kohë kam qenë sekretari i Rinisë të Fakultetit të Ekonomisë. Isha me të gjitha 10, dhe ishte merita ime kryesore. Njoh nja 40-50 Ilir Meta. Në klasën time kemi qenë 2 Ilir Meta.”-tha Meta./CNA.al

 





Lajmet e fundit nga