web counter
LEXO PA REKLAMA!

SHKARKO APP

App Store
Google Play

E fundit!

x

“Autokrat që kontrollon gjithçka”/ Bushati: Nëse nuk rrezikohet nga jashtë, Rama mund të sundojë edhe dy dekada

16 Shkurt 2026, 22:10, Politikë CNA

“Autokrat që kontrollon gjithçka”/ Bushati: Nëse

Analisti Andi Bushati tha sot se në pozitat e tanishme në të cilat gjendet kryeministri Edi Rama, kontrollon gjithçka si një autokrat.

I ftuar në “Syri Tv”, Bushati u shpreh se Rama ka fituar forcë politike dhe se nëse nuk rrezikohet nga jashtë, mund të sundojë vendin edhe dy dekada të tjera.

“Sipas mendimit tim kemi sinjale që mund të jenë të interpretueshme, por nuk kemi një qartësi që ka një izolim apo një goditje ndërkombëtare të Edi Ramës.

Sidomos nga europianët, çfarë kemi marrë sinjale është çështja e Ballukut. Dhe problemi shtrohet, në qoftë se Rama nesër ose të mërkurën ose të enjten e dorëzon Belinda Ballukun, kemi prapë një problem të Ramës me BE-në?

Deri tani, pra, pa dalë çështja e Ballukut kemi pasur zero probleme. Në qoftë se çështja Balluku zgjidhet, siç ja kërkon Gjermania apo Holanda, do të kemi më problem?

Nuk di ta them se mund të kemi problem. Pra, jemi shumë shpejt për të thënë ka një problem midis Ramës dhe BE-së.

Përsa i përket Amerikës, po, është evidente që Edi Rama nuk ka të njëjtën marrëdhënie siç ka pasur me administratën demokrate. Por nga ana tjetër është vështirë të thuhet që ka një administratë që po e godet Ramën.

Dhe në optikën time, Rama është bërë aq i fortë në Shqipëri, pra një autokrat që kontrollon gjithçka, që sot më nuk i duhet mbështetja, sot i duhet dhe thjesht neutraliteti i ndërkombëtarëve.

Në qoftë se ka një Bruksel që thotë me reformat po vazhdohet, ato grup-kapituj po vazhdohen, dhe një Amerikë që nuk e godet me çekan në kokë, edhe në qoftë se nuk e do, Rama është njeriu më i privilegjuar.

Sepse këtu i ka mbyllur të gjitha valvulat e demokracisë dhe në qoftë se nuk përkrahet, po nuk rrezikohet nga jashtë, mund të sundojë edhe dy dekada të tjera këtu. Kështu që në këtë kuptim, unë nuk shoh se akoma Rama të ndihet i rrezikuar nga ndërkombëtarët”,-tha Bushati./CNA

 





Lajmet e fundit nga