E fundit!

13:05 Aktualitet

Kallëzohet në SPAK Edi Rama

Grupi Parlamentar i PD kallëzon në SPAK Edi Ramën për vepr...

Veliaj kërkoi "ndihmë" psikiatrike pasi kuptoi që tashmë e kishin njohur të gjithë

21 Mars 2025, 17:26, Opinione CNA

Veliaj kërkoi "ndihmë" psikiatrike pasi kuptoi që

Pasi u zbardhën përgjimet e bisedave me familjarët, Veliaj duket se ka tentuar t'i dalë të keqes përpara dhe ka kërkuar konsultë psikiatrike.
Ky detaj vjen nga deklarimet e gazetares Klodiana Lala në MCN TV.

"Zoti Veliaj pasi është bërë me dije për përgjimet, ka pretenduar se nuk është në gjendje të mirë psikologjike, ka kërkuar konsultë me psikiatrin. Ka thënë *nuk kam qenë në situatën më të mirë mendore se është e pamundur të kem folur në këtë mënyrë.
Ulsi Manja ka bërë një urdhër, është bërë inspektim nga Drita Jaka, shefe e sektorit të shëndetësisë në burgje, zyrtarja më jetëgjatë në këtë institucion. Zonja Jaka para se të merrte kontakt, ka bërë një inventar të të gjithë barnave që kanë hyrë. Është bërë inventar për barnat në gjendje dhe ato që i janë dhënë të paraburgosurëve. Në bashkëpunim edhe me mjeken e burgut kanë marrë kontakt me zotin Veliaj dhe rezulton se ai ka marrë vetëm ilaçe për tensionin, ka patur problematika me tensionin e lartë”, tha Lala.

Veliaj pretendon se ishte çmendur/ Lala: Ka kërkuar konsultë me psikiatrin
20 Mars, 22:03

Megjithëse nga ndonjëri kjo u pa si lëvizje e Veliajt për t'u klasifikuar si i sëmurë mendor për t'i shpëtuar dënimit duket se nuk është kështu.
Veliaj është tronditur kur ka kuptuar që bisedat dhe mënyra si ai i cilësonte miqtë dhe bashkëpunëtorët e tij, shpejt do bëhej publike.

Përgjimet e Veliajt në burg/ Kush është REDAKTORI?
14 Mars, 12:24

Ato përgjime më shumë sesa akuzë penale janë zbërthimi i natyrës së Veliajt.
Ai fjalor ndaj kujtdo dhe pa dallim, miq, bashkëpunëtorë, familjarë, ka zhveshur Veliajn në sytë dhe veshët e të gjithëve më shumë sesa akuzat penale.
Sot ka një "akuzë" jo-penale që i rëndon më shumë sesa burgu Veliajt! Besimtarit protestant të martuar në kala!

Rasti Veliaj tregoi se ka më keq sesa të të hyjë vetja në qejf. Më keq akoma është kur fillon të ndihesh Perëndi!/ CNA