Ku biem dakord me Carlo Bollino-n

13 Mars 2025, 13:17, Opinione REDAKSIONALE

Botuesi italian Carlo Bollino, i cili është kallëzuar në SPAK nga opozita për përfitim pronash publike, një njeri që ka përfituar gjithashtu edhe disa koncesione nga qeveria siç janë Bunkartet, përfitues pagesash nga inceneratorët etj., por këto kanë pak rëndësi. Se mund të debatosh me Carlo-n shumë, por ka momente dakordësie.

Është e qartë se Carlo Bollino, një bashkëpunëtor i Partisë Socialiste, Ramës, Rilindjes, "militant i saj", bashkëpunëtor i ngushtë i Erion Veliajt, fans i 99-çave etj.

E kanë fotografuar duke dalë nga zyra e kryetarit të Bashkisë Tiranë ku hynte e dilte si në shtëpinë e tij. Ditët dhe javët që kaluan e pamë në "shkëlqim" në median e tij në mbështetje të kryebashkiakut të Tiranës, i cili ka dy akuza të rënda, për korrupsion dhe pastrim të produkteve të veprës penale.

Por përtej këtyre këndvështrimeve që ne biem ose s’biem dakord me Carlo-n, ka momente që Carlo shkëlqen dhe ky është rasti kur ne biem dakord me Carlo Bollino-n për profesionalizmin e gjyqtarit Engert Pëllumbi. Carlo ka bërë disa shkrime në mediat e tij ku thotë: “Engert Pëllumbi, është një ndër gjyqtarët më të ndershëm në magjistraturën shqiptare”, duke i bërë furça gjyqtarit. Në fakt përtej furçave kjo është e vërtetë.

Sot pas vendimit që ka dhënë, Engert Pëllumbi vërtet tregoi integritet, vërtet tregoi profesionalizëm, nuk ra pre e sulmeve dhe shtantazheve. Respektoi kolegët e tij të vërtetë, prokurorë dhe gjyqtarë, të cilët ishin sulmuar, akuzuar dhe anatemuar edhe në mediat e Carlo Bollino-s (edhe ato në hije), që shumë thonë se del dhe në përgjimet e fundit me Erion Veliajn nga qelia, po do t’i shohim në ditët në vijim dokumentet, të cilat sapo të na bien në dorë ne do t’i publikojmë të gjitha, me apo pa Carlo-n.

Por ama këtu jemi përballë faktit që ka dhe raste kur ne biem dakord, se gjyqtari Engert Pëllumbi është me integritet dhe e falënderojmë zotin Bollino kur thotë të vërteta dhe e falënderojmë zotin Bollino që bie dakord me ne, që Erion Veliaj të qëndrojë në burg nga një gjyqtar me vendim të qartë dhe integritet./ CNA