E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

BASHIZMI, BRENDA DHE JASHTË PARTISË DEMOKRATIKE!

3 Mars 2025, 13:03, Opinione Milaim Nela

BASHIZMI, BRENDA DHE JASHTË PARTISË DEMOKRATIKE!

Lulzim Basha

Kush mendon se Bashizmi ka vdekur e ka tmerrësisht gabim!

Kush mendon se beteja për kapjen e PD-së ka pushuar nuk ka as sy e as veshë, por e ka futur kryet në rërë!

Pasi garantuan njerëzit e tyre në lista të sigurta pa votë të gjithë arsenalin e investuan te njerëzit e tyre në Primare!

Primaret e Tiranës na vërtetojnë se Luli kokën e ka jashtë PD-së e trupin me gjithë gjymtyrë brenda selisë së SHQUPIT dhe strukturave të saj më të larta!

Në tërësi (me pak përjashtime) ata që i qëndruan afër Dr. Berishës në momentet më kritike dhe shpëtuan PD-në nga asgjësimi janë goditur dhe ndëshkuar rëndë në Primare sidomos ato të Tiranës!

Por jo vetëm në ato të Tiranës.

Kjo është fakt.

Merrini dhe analizojini emër për emër!

Emri i Ilir Alimehmetit si ndër më të votuarit në Tiranë nuk e maskon inxhinierinë manipuluese në këto zgjedhje! Jo.

Është i palogjikshëm e në disa raste krejt i pamundur ai rezultat!

Do hidhet dikush e të thotë kjo ishte votë e lirë. Kjo lloj vote ta psh***ë logjikën e nuk mund të bazohet në asnjë llogjikë.

Kush e ka regjistrin e anëtarësisë të vitit 2021?

A janë kontaktuar ata nga njerëzit e PD-së së Lulit dhe njerëzve të tij brenda ish-rithemelimit?

A është bërë fushatë agresive nga segmente të larta për të votuar Jorida Tabakun dhe individë rreth saj?

Si u selektua videofushata e saj për t'u shpërndarë nga fb i Dr Berishës?

Si nuk u bë dhe shpërnda një videoklip fjala vjen për zj. Keda Kaceli që e emanciponte dhe ia fisnikëronte fytyrën PD-së, por u zgjodhen për lobim vetëm njerëz të përzgjedhur nga njerëzit e PR-it?

Ju lutem vetëm mos më thoni që strukturat e PD-së nuk e njihnin se kush është Keda Kaceli një pinjolle e një familje ajkë e fisnikërisë Tiranase, e superedukuar, e djathtë 24 karat!

E strukturat zgjodhën të votojnë Joridën që erdhi në seli vetëm kur ngeli pa parti?

Mos ma fyeni inteligjencën, ju lutem!

Pse gjithë ai insistim për ndryshimet në degën 2 vetëm pak ditë para Primareve?

Kujt i pengonte Irma Marku?

Për llogari të kujt u godit dhe përjashtua nga garimi në Primare Prof. Admir Sinamati në Kukës?

Kujt i pengonte?

A kaq shumë profesorë ka PD në politikë sa të hidhej jashtë si transplant i padëshiruar Admir Sinamati?

A u ndryshuan listat në numra të konsiderueshëm vetëm në orët e fundit para zgjedhjeve pa ju dhënë asnjë mundësi kandidatëve garues as t'i shikonin ato?

A ma thotë njeri pse u deshën 28 orë për të numëruar 13 mijë vota, në Tiranë?

13 mijë jo 3 milionë!

(Krejt vetëm i kisha numëruar për 4 orë).

A rrezikojnë qëndrestarët dhe idealistët e rithemelimit të fshihen nga forumet qendrore pas zgjedhjeve?

Dhe mos e ktheni gishtin nga unë e t'i lëshoni zagarët kundër meje, por drejtojani atyre që e kanë bërë këtë katrahurë!

Ata po e shkatërrojnë PD-në në fazën kur duhet të ishte TORNADO e jo unë!

Andej drejtojini shigjetat e helmatisura!

Me regjimin nuk është shaka, por luhet beteja e ekzistencës së opozitarizmit, luhet fati i Shqipërisë dhe ekzistencës se saj!

Nuk është shaka!