E fundit!

12:57 Kosova & Bota

Tërmetet shkatërruese në Venezuelë/ Rritet numri i viktimave

Numri i viktimave nga tërmetet shkatërruese në Venezuelë k...

Piktori dhe Lali Eri nuk janë të pasur, por varfanjakë, kanë shumë pak njerëzore në vetvete!

26 Shkurt 2025, 07:44, Opinione Kim Mehmeti

Piktori dhe Lali Eri nuk janë të pasur, por varfanjakë, kanë

Këto ditë është duke u zhvilluar një betejë për jetë a vdekje mes mafias politike dhe drejtësisë së Shqipërisë.

Si një ndër drejtuesit e kësaj mafie, ‘drejtori’ i shkollës së hajdutëve pranë Bashkisë së Tiranës, Lali Eri, është duke bërë çmos që t’i mposhtë e t’i vërë nën kontroll prokurorët dhe gjykatësit e Shqipërisë.

Dhe tani për tani dihet vetëm një gjë: në këtë betejë të ashpër ka përparësi mafia politike, të cilën e mbështesin artistë, gazetarë, media, intelektualë.

Pra që e mbështesin të gjithë ata që tani nuk kanë si ta fshehin se i ka ushqyer dhe i ushqen mafia më e rrezikshme se të gjitha të tjerat për Shqipërinë.

Dhe nuk ka dyshim se nga kjo betejë do të shihet qartë nëse Shqipëria do mund të bëhet shtet ku ligji do vlejë për të gjithë, apo do mbetet atë që është, atdhe i krimit. Atdhe ku thuajse të gjitha elitat ushqehen nga hajdutëria dhe ku vetëm varfanjakët e hanë bukën e vet.

Sidoqoftë pra, duhet pritur të shihet nëse Lali Eri do t'ia arrijë t’i shantazhojë prokurorët dhe gjykatësit ashtu siç bëri dikur me gazetarët, kur mes të tjerëve, edhe me mesazhe ku fyente dhe kërcënonte gazetaren e njohur Beti Njuma.

Por megjithatë ka diçka që mund të thuhet që tani: kanë të drejtë mediat dhe gazetarët që ushqehen nga grazhdi i mafias politike kur thonë se Piktori e Lali Eri, jo vetëm që nuk janë të pasur, por jetojnë në varfëri. Po, ata edhe me miliona euro në xhep do ndihen të varfër, sepse nuk kanë asgjë njerëzore në vetvete.

E ndërkohë dihet se është e kotë të kërkosh njeri te politikanët hajdutë që e kanë dëbuar turpin nga vetvetja. Siç dihet se të tillë sillen ashtu si edhe Lali Eri, i cili nëse nuk do trembej nga hajduti në vetvete, nuk do kishte pse t’i shantazhonte e t’u frikohej prokurorëve dhe gjykatësve./ CNA