web counter
LEXO PA REKLAMA!

SHKARKO APP

App Store
Google Play

E fundit!

x

Fshati digjet, Andi Bushati krihet

16 Shkurt 2025, 17:37, Opinione CNA

Fshati digjet, Andi Bushati krihet

Andi Bushati në një shënim të tij te Lapsi.al, që mund ta lexoni këtu, përpiqet rishtazi të na thotë se SPAK nuk ka bërë një dosje të mirë hetimore, nuk e ka hetuar deri në fund Erion Veliajn, e kanë trajtuar si xhepist etj. Në fakt në tekstin që thotë Andi se zor gjen prova për ndonjë tenderdhënie apo mënyrë të jashtëligjshme, duhet të kuptojë një diçka shumë të thjeshtë. Dosjet e korrupsionit kopsiten në atë mënyrë që të jenë të vështira për t’u kapur. Dikur qeshte dhe thoshte se Altin Dumani tha fjalinë “krim intelektual”. Pse budalla ishte Erion Veliaj që t’i bënte letrat shkel e shko dhe paçavure për t’u dhënë para familjarëve të Ajolës?! Pse kaq idiot e di Andi, Erion Veliajn, që mund të hedhë firmën në kontrata apo prokurime që lidhen me familjarët e tij?! Jo, përkundrazi.

Firmën ia kalonte Arbjan Maznikut, por në finale duhet të firmoste urdhërpagesat, ku atje i shikonte emrat. Pra korrupsioni në thelb dosjet i ka të kopsitura qoftë dhe ligjërisht dhe në zbatimin e tyre. Finalja është një dhe vetëm një: “Si paratë që firmos Erion Veliaj shkojnë nga zyra e Bashkisë së Tiranës në xhepat e Ajolës”. Pastaj blihen brekë apo kanatjere, si ka qef t’i trajtojë Andi, kjo është një histori tjetër. Thelbi është që Erion Veliaj ka firmosur urdhërpagesa për t’i marrë familjarët e Ajolës. Thelbi është që janë 860 e ca mijë euro blerje të padeklaruara, të cilat janë gjetur online, shuma të padeklaruara në pasuri. Janë gjetur 800 e ca mijë euro të tjera në bankë.

Janë gjetur vila, apartamente, pavarësisht se Erion Veliaj kërkon t’i justifikojë jo vila këtu, jo po vila atje. Andi Bushati dhe disa të tjerë po bien në kurthin e zdromsit duke i shërbyer atij, duke na thënë se ishte një dosje e dobët. Si mund të jetë një dosje e dobët, kur provohet se nga e para te e fundit, se si Erion Veliaj firmos para për t’ia dhënë gruas dhe gruaja paratë pastaj i merr i përdor për brekë?! Ky është thelbi, qenka e thjeshtë.

Korrupsioni patjetër i ka dokumentet e kopsitura dhe Andi Bushati këtë duhet të kuptojë. Nuk gjen dot prova korrupsioni me dokumente të pakopsitura. Pikërisht këtu është vështirësia e prokurorëve dhe oficerëve të BKH-së, të vërtetojnë se si në mënyrë ligjore janë dhënë para dhe kanë shkuar në xhepat e krybashkiakut. Erion Veliaj ka firmosur para për kompanitë e të afërmve dhe Ajolës, që i ka futur në xhep gruaja e tij. Këtu mbyllet historia. E dobët, e padobët, është histori korrupsioni e provuar nga prokurorët./ CNA





14:23 Opinione

Spurdhjaku Veliaj

Kryebashkiaku i Tiranës vazhdon të shkruajë nga burgu gënj...

16:18 Opinione

Shënim/ PA TITULL

Një sqarim i vogël për histerinë kolektive se kryetari i b...

Lajmet e fundit nga