Kurdisja e një paçavureje ndaj Velinës së Tiranës është e-Albania!

14 Shkurt 2025, 15:32, Opinione CNA

Kurdisja e një paçavureje ndaj Velinës së Tiranës
Një përgjigje shteruese për Erjon Veliaj dhe Edi Rama !

Nga Kastriot FRASHËRI

Përmes publikimit të vendimit të Gjykatës së Posaçme të Shkallës së Parë për Korrupsionin dhe Krimin e Organizuar mësova se në të dhënat e personit nën hetim Erjon Veliaj ishte shkruar e dhëna "i dënuar". Kaq mjaftoi që lali Eri i dhjeri dhe ustai i tij i njohur si lider global falë shoqërisë me Leksin e Xhorxhit, që në kor të zbraznin dje dufin e tërbimit të tyre jo vetëm ndaj prokuroreve e gjyqtareve që merën me çetën e Ali Babës, por edhe PD dhe një pjesë të organeve të medias. Thjesht ky viktimizim i ngritur në art përmes mashtrimit publik me qëllim për të sfumuar ngjarrjen madhore të ditës, ate te arrestimit të kryebashkiakut mashtrues dhe hajdut, që nuk ka njeri në kete Republikë të mos e dijë, por vetëm KM ynë nuk e pranon, ndaj po reagon fort çdo ditë këto ditët e fundit duke bërë si i dalë nga faza, që troç do të thotë i luajtur mendsh.

Ngritja e tonit në këtë shënim editorial ka vetëm një qëllim mbrojtjen e interesit publik, të shtetit të së drejtës dhe të sundimit të ligjit në Shqipëri nga një sulm i paprecedent që po i bën prej disa ditësh pushteti ekzekutiv përmes kryeministrit Rama dhe të shpurës së tij me qëllim mbrojtjen interesave të tij private në çdo hallkë të kësaj toke të kthyer nga regjimi j tij në fermë kafshësh.

Por si qëndron e vërteta që në kërkesën e SPAK drejtuar gjykatës ndaj Erjon Velisë prokurori kishte shkruajtur: “Erion Veliaj është “i dënuar”, me shënimin “sipas Çertifikatës Elektronike të gjendjes gjyqësore Nr. 5488 Prot., datë 23.01.2025 të gjeneruar nga hetuesi i Byrosë Kombëtare të Hetimeve, e cila gjendet në fashikullin 63”?

Si një avokat dhe profesionist nëçështjet e ligjit duhet të theksoj se prokurori i çështjes i ka qëndruar besnikërisht të dhënës së gjendjes gjyqësore të Erjon Velisë të nxjere nga sistemi elektronik i Drejtorisë së Gjendjes Gjyqësore pranë Ministrisë së Drejtësisë. Në rast se ky nuk do ta kishte evidentuar këtë fakt në kërkesën drejtuar gjykatës atëhere ai automatikisht do kishte kryer një fallsifikim të dokumentit për sa i përket gjendjes gjyqësore të tij.

Po çfarë pune i prish kjo e dhëne e pavërtetë e pretenduar në gjenialitetet e vendimit gjyqësor Erjon Veliajt dhe Edi Ramës që ngritën më këmbë taborët me ushtarët e mallkimit kombëtar kur fare mirë mund të kërkonte sipas parashikimit të dispizitave të K. Pr. P korrigjimin e vendimit? Së dyti, a do të ndikonte kjo pasaktësi në rregullimin e biografisë apo të pastërtisë së tij morale? Them se jo! Sepse këta e kanë bërë mu... mullar, thotë populli dhe nuk ka Zot ta nxjerë më me certifikatë të pastër. Ndoshta e-Albania dhe AKSHI mund ta ndryshojnë gjendjen e tij sipas alogaritmit të sistemit që kanë ndërtuar përsa kohë do kontollohet nga familjarët e kryeministrit, sikundër rëndom përflitet nëpër kafet e Tiranës.

Nga eksperienca ime si avokat më duhet të them me vendosmëri duke përfituar nga rasti se lali Eri nuk është 'viktima' e parë e çudirave që ndodhin çdo ditë në portalin e shërbimeve ndërqeveritare e-Albania por nuk u jep zë njeri. Para lalit të dehur nga fiqtë dhe dardhat e ngrëna pa kriter janë prekur nga reformat dixhitale apo përmes proceseve të administratës publike të zvendësuar me "AI" që kryeministri ka lëvruar miliona euro dhe që nuk dihet ku kanë përfunduar në emër të AKSHI, ka pasur me dhjetra raste të tjerë që shtetas të ndryshëm ky sistem i ka nxjerë padrejtësisht 'i dënuar', 'i padënuar', ose 'i martuar' apo pa fëmijë duke mos u ekzistuar/regjistruar fëmijët në certifikatën familjare. Kjo është arritja e qeverisjes dixhitale që ofron qeverisja e Edi Ramës që me një të rënë të lapsit ka mbyllur padrejtësisht gjithë zyrat e shtetit ku shtetasit e këtij vendi ropaten me ditë e natë rreth smartphonave të tyre me sytë e veshët mos u vjen ndonjë mesazh nga Asistenti digital i qeverisjes së rilindjes!

Lali Eri do të bënte mirë që për këtë etiketim apo lapsus ndaj tij të akuzonte e-Albanien dhe jo prokuroret apo hetuesit e BKH!! Por këtë ai nuk ka kurajo ta bëjë sepse thjesht është një lali i vogël që xhaxhi Rama mund ta varë në çdo kohë në ndonjë nga pemët e tij që ka mbjellë në atë pyllin e shpikur orbital dhe nuk guxon të dalë mbi ustain dhe veprat e tij!/CNA