LEXO PA REKLAMA!

SHKARKO APP

Shqiptarë, mbroni veten ndërsa nuk keni ende shtet që t'ju mbrojë!

10 Korrik 2022, 19:15, Opinione Mentor Kikia
Shqiptarë, mbroni veten ndërsa nuk keni ende shtet që t'ju
Mentor Kikia

Shumë njerëz, për nevoja të ngutshme financiare, u drejtohen shoqatave të mikrokredive. Ato nuk kërkojnë asnjë lloj garancie, as kolateral, nuk kanë burrokraci, ta japin kredinë vetëm me një ID, madje edhe përmes telefonit, pa qenë fare prezent….

Por kjo nuk është parajsa. Pikërisht këtu fillon mashtrimi. Të joshur nga këto procedura të shpejta, njerëzit vrapojnë të mbarojnë punë, pa e disur se kanë hapur telashe. Përveçse përballen me interesa më të mëdha se ato të premtuara, shumë njerëz, në kushtet e pamundësisë për të paguar në kohë, përballen kamatëvonesa të tmerrshme. Duke shfrytezuar mjerimin dhe nevojen, keto agjensi i fusin njerezit e varfer ne nje kurth financiar skllaverues, nga e cili nuk dalin dot.

“Këto kredi mbartin komisione dhe tarifa të fshehura, si dhe norma të larta interesi, të cilat mund të arrijnë deri në 800 përqind. Shumë huamarrës kuptojnë se ata nuk mund ta paguajnë huanë aq shpejt sa kishin menduar, duke i futur disa prej tyre në një cikël dërrmues të rritjes së borxhit që ata kurrë nuk do mund të jenë në gjendje ta paguajnë – shkruan NewsBomb ne nje denoncim te sajin ndaj dy kompanive, “Iute Credit” dhe “Kredo.al”

Nje qytyetar më shkruante që ta bëj publik këtë shqetësim.

“Kredia ime nga 900 mijë lekë të vjetra ka shkuar 4 milion. Një ish kolegun tim nga 2 milion në 9 milion. Pastaj këta ua shesin kredinë kompanive që mbledhin borxhet dhe ata s’pyesin as për gjyqe. Të bllokojnë llogarinë e pagës, të lënë pa bukë…”

Natyrisht, kredia e marrë duhet paguar dhe vonesat paguhet gjithashtu.

Por këta njerëz nuk kanë qenë fare të informuar për sanskionet, ata janë joshur të marrin predi pikërisht nga procedurat e shpejta. Dhe mesaduket edhe këto agjensi shfrytëzojnë pikërisht nevojat e ngutshme dhe nivelin e ulët të informimit të kësaj shtrese.

Bëra disa kërkime për këto agjensi dhe shikoj që media ka denoncuar dhjetra e dhjetra raste.

Për shkak të këtyre lehtësirave punonjësja e një prej këtyre agjensie, “IuteCredit”, në Fier, firmoste kredi në emër të njerëzve të cilët nuk dinin gjë fare se kishin marrë kredi. Në Tiranë një infermiere u merre kartat ID pacientëve dhe merrte kredi në këto punishte, ne emër të tyre.

Një prej këtyre agjensive, “IuteCredit”, me origjinë estoneze, është dëbuar nga qeveria e Kosovës në vitin 2019, per mashtrime ndaj qytetareve dhe cenim te sigurise kombetare, dhe kishte shantazhuar se do të lobonte që Estonia të tërhiqte njohjen e shtetit të Kosovës!!!!.

Dhe nga Kosova kishte bërë vend në Shqipëri.

Ndërsa shikoja këtë mori denoncimesh, pyetja që shtrohet është: Përse hesht qeveria jonë, përse hesht Banka jonë Qendrore ndaj këtyre abuzimeve skandaloze me qytetarët. Media majde ka hedhur dyshime edhe per një operacion pastrimi parash nga orligarkë rusë përmes këtij rrjeti.

Edhe në vitet 1994- 1996 shqiptarët vetë i futën paratë me fajde, por qeveria kishte përgjegjësi dhe nga mos-ushtrimi i asaj përgjegjësie ndodhi ajo që ndodhi.

Shqiptarë, mos u joshni nga mashtruesit. Askush nuk ka dalë për bamirësi. E pamë bamirësinë e Xhaferrit, Sudes, Gjallicës e Vefës. Mbroni veten, derisa ende nuk keni një shtet që t'ju mbrojë.

 

10:33 Opinione Luçiano Boçi

Forca e protestës

Protesta e 7 korrikut ridimensionoi dhe një herë polit...

Lajmet e fundit nga