web counter
LEXO PA REKLAMA!

SHKARKO APP

App Store
Google Play

Për Joriden, lidhur me protestën, por jo vetëm

8 Korrik 2022, 19:06, Opinione Ardjan Turku
Për Joriden, lidhur me protestën, por jo vetëm
Ardjan Turku

Përshëndetje Jorida!

E sigurt që je më e zgjuar se kaq.

Në respekt të viteve të aktivitetit politik në PD, me dashamirësi ju them që gaboni rëndë në krahasimet që bëni. Janë kontekste shumë të ndryshme. Shumica e atyre që e sollën këtë protestë e rinisën jo nga hiçi por nga minusi, 9 muaj më parë.

Ato protestat e mëparshme ishin me parti të ngritur, si shtëpia trashëgim nga "baba", me tapi të sigurt.

E vërtetë, ke marrë pjesë në të gjitha protestat, edhe shtatzënë dhe anëtarësia të ka vlerësuar. Më lejo të bëj vetëm një korrigjim, ke munguar vetëm në njërën prej tyre - atë të 8 janarit, kur na mbyllët dyert, pa pranuar asnjëherë të uleshit me ne.

Gazi që provuam atje digjte më shumë nga çdo gaz tjetër që kishim provuar më parë.

Në ka diçka që nuk më pëlqen tek postimi madje më hidhëron shumë, është stili yt tregimtar me thjeshtësinë krahasimore zhvlerësuese për protestën, shkëputur komplet nga situata politike, ekonomike e sociale që vendi po kalon dhe që është krejt ndryshe nga më parë.

Do jua pranoja krahasimin dhe zhvlerësimin nëse kjo lëvizje e tanishme do përfundojë me marrëveshje pas kuintave apo gabime politike fatale siç kanë qenë dorëzimet e mandateve, braktisja e zgjedhjeve etj.

Kjo nuk ndodh më, të jeni e sigurt. Prandaj dhe njerëzit erdhën ndoshta si kurrë më parë. Edhe pse kam përshtypjen se akoma vuan nga ngërçe të brendshme, me shumë sinqeritet ju them mirëserdhe, gjithmonë nëse bashkimin në protestë me demokratët e kishe seriozisht!/CNA.al





08:12 Opinione Lutfi Dervishi

Lajmësi nuk ka faj

Një gazetar i bëri një pyetje shumë të vështirë ish-se...

Lajmet e fundit nga