LEXO PA REKLAMA!

SHKARKO APP

Shpresojmë se shqiptarët do ta çojnë deri në fund atë që nisën më 7 korrik

10 Korrik 2022, 09:29, Opinione Erion Dasho

Shpresojmë se shqiptarët do ta çojnë deri në fund

Java që kaloi solli dy shembuj demokracie në veprim.

Në Britaninë e Madhe, një grupim deputetësh, ministrash dhe ish-politikanësh me influencë i thanë jo drejtimit të Boris Xhonsonit.

Ndonëse me një supermaxhorancë dhe me arritje mbresëlënëse në qeverisje, Xhonson u detyrua të dorëhiqet pas disa skandaleve periferike dhe pa lidhje me cilësinë e qeverisjes.

Shkelje të përsëritura të rregullave të karantinës gjatë COVID-it, disa skandale me natyrë seksuale të njerëzve të tij të afërt, etj. mjaftuan që "ylli në ngjije" i politikës britanike të rrëzohej me gjithë rezultatet spektakolare në zgjedhje dhe qeverisjen përgjithësisht pozitive.

Në Sri Lankë, aty ky presidenti e kishte rrethuar veten me familjarë (vëllai kryeministër, vëllezër të tjerë dhe nipër ministra e drejtues në pozita kyçe, etj.), ishte populli që e mori situatën në dorë.

Pas krizës së keqqeverisjes ku qytetarëve u kishte vajtur thika në palcë, populli i Sri Lankës organizoi protesta të fuqishme. Sinjali i parë u dha para disa javësh kur shkatërruan një nga vilat private të kryeministrit.

Ndërsa dje hynë në presidencë dhe kryeministri duke i detyruat të arratisen dhe të japin dorëheqjen, si Presidentin, ashtu edhe Kryeministrin që kishte zëvendësuar vëllanë e Presidentit vetëm pak javë më parë.

Po Shqipëria?

Këtu Borati qeveris me një maxhorancë të rehatshme parlamentare dhe një qeveri, bazën e së cilave e përbën një grupim kukullash dhe eunukësh politikë.

Këta ia dedikojnë karrierën Boratit, të cilin e quajnë "Skënderbe", "Zeus", "Zot", etj. Me gjithë skandalet, zullumet dhe keqqeverisjen, ata nuk kanë as 1% të integritetit dhe staturës së ministrave dhe deputetëve britanikë.

Nëse deputeti britanik e fiton mandatin me djersë duke ngjitur radhët e politikës, primareve dhe në fund kalon sfidën e sistemit "vrasës" maxhoritar, kukullave të Boratit u erdhën postet si "kinder sorpreza" gjatë fjalimit depersonalizues të këtij të fundit në KPD.

Për këtë arsye, përballë variantit britanik dhe atij srilankez, Shqipëria mund të shpëtojë nga uzurpuesit vetëm nëpërmjet skenarit të Sri Lankës.

Protestat qytetare masive si ajo e 7 korrikut duhet të jenë rruga e vetme që mund të largojë Boratin prej një pushteti që aq shumë i ngan atij të Sri Lankës, sidomos në dy aspekte:

Eunukët dhe kukullat në qeveri.

Skandalet, zullumet dhe keqqeverisja që ka varfëruar popullin në kufirin e mbijetesës.

Të shpresojmë se shqiptarët do ta çojnë deri në fund atë që nisën më 7 korrik...

Lajmet e fundit nga