web counter
LEXO PA REKLAMA!

SHKARKO APP

App Store
Google Play

Ne s’jemi të ndotur, jemi të pistë!

28 Prill 2026, 15:52, Opinione Mentor Kikia

Ne s’jemi të ndotur, jemi të pistë!

Hasa në një postim të Bashkisë Kukës këtë javë, që tregon përpjekjet e përditshme të dy punëtorëve me këtë makineri për të pastruar, mbledhur, mbetjet plastike që pluskojnë mbi sipërfaqen e Liqenit të Fierzës.

Se sa ia kanë dalë, e tregojnë pamjet këtë punë.
Në të njëjtën gjendje është edhe liqeni i Komanit.

Nëse nuk do të ishin digat, pra HEC-et, këto mbetje do të kishin përfunduar në det, siç ndodh me të gjithë lumenjtë e tjerë.

Këto mbetje hidhen përgjatë rrjedhës së lumit në fshatra shqiptarë dhe ata të Kosovës, në të dyja degët e Drinit.

Më poshtë, në pellgun e liqenit të Komanit, përgjegjësia është e gjitha shqiptare.
Bashkë me dhjetëra vullnetarë, kam dhënë 2-3 herë një ndihmë modeste për pastrimin e këtij liqeni. Kam bredhur edhe nëpër fshatra, ku nuk ka infrastrukturë për mbledhjen e mbetjeve. Në çdo fshat ato hidhen nëpër përrenj e kur bien reshje, përfundojnë në lumin-liqen.

Ne nuk jemi të ndotur, pasi ndotja është koncept industrial. Ne jemi të pistë dhe kjo është më e rëndë, pasi tregon mungesë qytetarie.

Por a mund ta akuzosh një fshatar në mes të maleve se përse i hedh plehrat në përrua?
-Po – mund të thonë disa.
-Jo – thonë disa të tjerë.
Edhe unë them jo, për momentin.

Atje nuk ka kosha. Është larg, makina e plehrave nuk shkon dot, edhe sikur të ketë. Por nëse qeveria punonte me ta, i orientonte se si mbetjet e tjera që dekompozohen t'i hedhin nëpër gropa të vogla ku bëhen pleh, ndërsa plastikën ta grumbullonin dhe t'ua japin ricikluesve të plastikës, mund të ishte një zgjidhje.

Problemi është se këtë çështje nuk e ka adresuar deri tani, as bashkia, as qeveria. As në Kukës, Pukë e Shkodër e askund tjetër.

Tani jemi në fazën e teatrit. Mbledhim bidona në plazh!





12:34 Opinione Grigels Muçollari

Qeveria dhe fajdexhiu

Ka një figurë që përgjithësisht e njeh çdo shoqëri: fajdex...

19:24 Opinione Luan Rama

Dinjiteti në gjunjë

Në diplomaci, gjesti nuk është kurrë neutral. Ai është gji...

Lajmet e fundit nga