E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm, Besfort Lamallari, ka zbarkuar në Dr...

Mos e përdhosni dhjetorin e vitit 1990!

30 Dhjetor 2025, 20:27, Opinione Ardi Stefa

E dini pse patëm sukses në Dhjetor 1990 dhe në Shkurt ‘91?

Kur kërkuam, protestuam, hymë në grevë urie dhe morëm shumë gjëra, të cilat sot i quani të mirëqena?

Sepse, pavarësisht premtimeve se do të shpallej pluralizmi; pavarësisht se u tha që emri i diktatorit do të hiqej nga universiteti, ne qëndruam.

Nuk u gënjyem për asnjë çast nga premtimet se do të kishte pluralizëm, liri, heqjen e emrit të diktatorit; nuk u gënjyem nga premtimi se dritat e uji do të vinin nesër apo pasnesër.

Qëndruam në shesh, në grevë të uritur e të drobitur; të paarmatosur, por edhe të vendosur të shplanim turpin e një vendi që në heshtje dhe në humbje, qeverisej për pesëdhjetë vjet nga diktatura shkatërrimtare komuniste. Djem e vajza ishim për pak ditë të lirët e rrethuar të historisë sonë bashkëkohore shqiptare. Një brez djemsh e vajzash 22- vjeçarë që bëri politikë me fjalë, me këngë, me shpirtin dhe, mbi të gjitha, me trupin e tyre të njomë e të drobitur nga uria. Një brez që zgjoi një popull të tërë nga gjumi letargjik e që vrau frikën. Një brez 22 vjeçarësh që rrezikoi jetën, studimet, për të fituar një çast që jeton përgjithmonë. Një brez burrash të vërtetë!
Ne atëherë u ngritëm dhe qëndruam me aq sa dinim deri në fund.

Paçka se nga naiviteti më pas u përdorëm!
Nuk e lamë në mes përpjekjen tonë!

Sepse ne nuk u ngritëm që të rrëzonim mitet e rreme dhe vendin e tyre ta zinin m*tër të vërtetë!
Sepse ne e dinim se që të kishim diçka që nuk e kishim pasur kurrë, duhet të bënim diçka që nuk ishte bërë asnjëherë!

Nuk u ngritëm që idealet tona dhe atdheu ynë të prostituohen përditë prej maskarenjve që qeverisin 35 vite!

Prandaj me revoltën dhe protagonizmin tuaj kallp mos ma përdhosni e as mos ma dh*sni më Dhjetorin ‘90.

As me Dhjetorin 2018, as me Dhjetorin 2025...

Sepse s’keni për ta pasur kurrë fatin të jetoni e të bëni Dhjetorin tuaj...

Tani hidhni fishekzjarre, këndoni e kërceni tallava nëpër sheshe, ashtu të palarë siç jeni dhe gëzoni me gojën e sqetullat që ju qelben erë, jo aq nga mungesa e ujit, sesa e dinjitetit.