web counter
LEXO PA REKLAMA!

SHKARKO APP

E fundit!

x

MINJTË

14 Janar 2024, 19:27, Opinione Ardi Stefa

MINJTË

Një ditë, një burrë hyri në një dyqan me gjëra antike dhe pa një statujë të bukur të një miu në përmasa natyrale. I emocionuar shumë nga bukuria e asaj pune, ai shkoi në banak dhe e pyeti shitësin për çmimin:

- Sa kushton kjo statujë, ju lutem?

- Statuja vlen 500.000 lekë, kurse historia e miut 1.000.000 lekë.

- Çfarë? Mos je gjë i çmendur? Unë do të blej vetëm statujën.

Dhe vetëm statujën bleu...

I lumtur dhe i kënaqur, burri u largua nga dyqani me statujën në krahë. Ndërsa ecte, u frikësua për vdekje kur pa që mijëra minj dolën nga skutat e tyre dhe filluan ta ndiqnin. Duke vrapuar i dëshpëruar, burri hipi në makinën e tij dhe iku, por gjithnjë e më shumë minj vazhduan ta ndiqnin; aq shumë sa rruga filloi të mos dukej më.

Ai ndaloi makinën buzë një moli dhe, me gjithë forcën e tij, e hodhi statujën në det.

Skena që pa ishte e pabesueshme.

Pas statujës, të gjithë minjtë u hodhën në det duke u mbytur.

Banorët e Qytetit e brohoritën që i shpëtoi nga minjtë dhe nga rreziku i ndonjë sëmundjeje prej tyre.

Akoma pa e marrë veten mirë nga ajo që i kishte ndodhur, burri u kthye tek shitësi i antikave.

Shitësi sapo e pa e pyeti:

- U kthyet për të blerë historinë, apo gaboj?

- Jo, jo nuk më duhet historia, dua të di nëse ke në shitje statujën e...

P.S: Gjeni statujën e cilit kërkoi...





15:45 Opinione Lutfi Dervishi

Bisha del nga kafazi

Në një natë magjike në fushën e futbollit, Armando Bro...

Lajmet e fundit nga