E fundit!

07:36 Kosova & Bota

"Kishte menduar të më shantazhonte"/ Zbardhet dëshmia e Bill Gates për lidhjet me Jeffrey Epstein

Janë publikuar detaje nga dëshmia që themeluesi i Microsof...

Çfarë pres nga kallësit e datës!

12 Janar 2024, 13:07, Opinione Ardi Stefa

Ardi Stefa

Më duhet ta pranoj se më janë ngjallur shpresat.

Prej datës 30.12.2023 po dëgjoj nga “Rruga e shpresës” se viti 2024 do të jetë viti i kundërsulmit më të madh të opozitës, e cila pa pyetur nga i ftohti apo shiu i ka kallur datën Edi Ramës.
Madje dje lexova se bashkimi është i domosdoshëm, por duhet të kalojë domosdoshmërish nga rruga, së cilës i kanë vënë nja dhjetë emra deri më sot.

Epo shyqyr. Shpresa është gjë e madhe. Sepse deri tani na kishin lënë në pritje me revolucionin që nuk ndezi asnjëherë.
Atëherë çfarë do të ndodhë? Do të kundërsulmojë Rithemelimi me parti të re? Pa parti? Në koalicion dhe nën ombrellën e ndonjë partie tjetër shushunjë?

Vetëm nëse do të bëhet ndonjë gjë tjetër më e mirë. D.m.th. të kundërsulmojë opozita e bashkuar, me një ekip të ri drejtues dhe e bashkuar.

Por ndoshta do të më pyesni se cilit i interesojnë këto abstragime. Ndërmjet nesh, askujt!
Të gjithë të interesuarit, aktorët dhe faktorët politikë aktualë të opozitës u provuan, u votuan dhe u refuzuan. Në shumë zgjedhje qendrore e vendore. Pikë!

Kemi më shumë gjëra serioze për t’u marrë dhe jam i sigurtë se varfëria, shpopullimi, mungesa e shpresës janë shumë më të rëndësishme se do të merremi me fatin e individëve politikë dhe hallet e tyre.
Por, siç po duket, “e djathta”, “opozita”, madje edhe vetë liderët e tyre për 33 vite ishin biznesmenë për veten dhe për shumë të tjerë rreth tyre.

Ata menduan se gjetën dhe fituan bastin e duhur. E besuan, e luajtën, humbën ata dhe ne!
Por, nga ana tjetër edhe duhet të jemi të sinqertë. Çdo treg kërkon konsumatorët e tij.
Çfarë lloj opozite do të ishte, nëse nuk kemi disa që të shtiren, ta shprehin dhe ndonjë rol në gjithë këtë situatë?
Në të kundërt kujt i intereson një biznes, që nuk i intereson askujt? Çfarë do të bëhen: hajdutë xhepash për të jetuar?
Prandaj politika dhe opozita aktuale, heronjtë, mitet e rreme, individët dhe kultet e tyre janë thjesht aty për hallet e tyre, interesat e tyre, manipulimet e tyre!