E fundit!

07:36 Kosova & Bota

"Kishte menduar të më shantazhonte"/ Zbardhet dëshmia e Bill Gates për lidhjet me Jeffrey Epstein

Janë publikuar detaje nga dëshmia që themeluesi i Microsof...

Heshtja vrastare e shtypit shqiptar

10 Janar 2024, 18:57, Opinione Ilir Levonja

Charles McGonigal

Kryeministri i Shqipërisë është i implikuar drejtpërsëdrejti në një rryshfet prej 225 mijë dollarë për punë liçensas dhe lobimesh karshi opozitës shqiptare. Kjo u vertetua dje në mesditë kur Prokuroria e Districtit të Columbias në Washington dha aktakuzën për një agjent të FBI me emrin McGonigal.

Shqiptarët e kanë dëgjuar këtë emër për muaj me radhë gjatë vitit që shkoi. Janë fakte të detajuara deri në orare e restorante hotelesh, ku më e rëndësishmja është linja e errët e një agjenti amerikan të korruptuar dhe ish Sigurimit shqiptar, si përfaqësues i qeverisë, për të vrarë demokracinë në Shqipëri. Dhe thuajse janë kanë arritur. Si dhe qysh është shumë e thjeshtë. Mjafton sot t'i hedhësh në sy shtypit shqiptar dhe do vësh re se, 99% e webeve as nuk përmendin fare. Eshtë ngjarja që kërkon një sens gati proverbial të ekzistencës sociale, por thuajse 99% e shtypit nuk flet. Eshtë material kaq i çmuar për një skandal kontinental, por shtypi hesht.

Ka frikë? Aspak! Puna është se janë paguar të heshtin dhe atë po bëjnë. Madje as nga Prokuroria e Shqipërisë nuk ka asnjë indicje që ky Institucion për të cilin shqiptarët investuan thuajse deri në një sakrficë kristiane, galeri me dosje, ndaj dhe gjysma e tyre janë akoma në hasmëri sociale, për shkak të mosveprimit të ligjit.

Por njerëzit e thjesht, mjaft të futen në këtë adresë... Washington DC: numer telefoni etj. (202) 252-7566. Apo email USAO-DC, klikoni McGonigal dhe do shihni xhevahire rrugeçërish dhe gangosh si ato që po dominojnë sot rrugët e Kitos në Ekuador.

Që të kuptoni se kemi apo jo akoma demokraci, pyesni veten se, kujt duhet t'i japi llogari një qeveritar shqiptar? Se e tillë është demokracia, llogaridhënie, ligj, shtet, shoqëri e hapur. Kujt pra, se, gjithçka kalon heshtje? Ose me devijime vëmendjesh për ''çmenduritë'' e Saliut a operacionet plastike të Monës. Kujt organi kompent? Cilës gjindje sociale. A është i prekshëm apo i perëndi një kryeministër në demokraci? Kujt i jep llogari pra qeveriu? Juve? Kurrë, u konsideron dele, u hedh nga një pesëmilekshe në fund të vitit. Opozitës, asesi..., e ka shpartalluar. Kuvendin, e ka zaptuar. Presidentin, e ka tredhur. Shtypin e ka blerë. Po atëhere?

Fal demokracisë liberale të Shqipërisë post 90-të, sot ka dalë në skenë edhe një defekt i madh i saj, pa ndëshkueshmëria e ish sigurimit, e stafit të kolonisë ndëshkimore të diktaturës. Kjo kastë që menaxhon sot jo vetëm djersën dhe gjakun tuaj por edhe prirjen tuaj, ka kurajën që me metodat e Kremlit të vrasi me gjakftohtësi demokracinë në Shqipëri. Nga ana tjetër edhe propaganda e ka bërë të vetën, më mirë të ndëshkuar se sa me Saliun. Alternativat mund të jenë aty, përbrenda, përmbi dhe përtej Saliut, por fal bash kësaj propagande, askush nuk i shikon më. Askush!