E fundit!

09:05 Kosova & Bota

Kim Jong Un: Koreja e Veriut do të pajisë Marinën me armë bërthamore

Lideri i Koresë së Veriut, Kim Jong Un ka deklaruar se for...

KONTRATA

28 Prill 2025, 14:06, Opinione Meri Lika

KONTRATA

Gjullurdia që ngriti në rrjet Kontrata të cilën Partia Demokratike ka lidhur me “Continental Straegy” LLC, gjullurdi kjo që çuditërisht nisi nga SPAK-u, dhe që u mbush pastaj me të vërteta dhe të rreme, me krahasime dhe hiperbolizime, më vendosi përpara faktit se duhet të shkruaj për të, në të mirë të informimit të publikut.

Unë jam një nga audituesit e fondeve të Partive Politike si në fushatë zgjedhore ashtu edhe të pasqyrave financiare vjetore, e në këto kushte mendoj se mund t’i lejoj vetes të prononcohem lidhur me kontratën që Partia Demokratike ka lidhur me subjektin “Continental Strategy” LLC.

Për të dhënë një opinion sa më të qartë i jam referuar Kodit Zgjedhor, Ligjit nr.8580 datë 17.02.2000 “Për Partitë Politike” si dhe Rregullore për financimet mbi të cilat unë dhe kolegët e mi mbështetemi për të dhënë opinionet tona në lidhje me mënyrën e përdorimit të fondeve.

Kodi Zgjedhor në Pjesën e tij të Shtatë (Pjesa VII), përcakton rregullat e financimit të subjekteve politike në Zgjedhje dhe Fushatë Zgjedhore, dhe në këtë seksion ligji vendos kufizime në lidhje me kufirin që individë persona juridikë ose privatë nuk duhet të kalojnë në financimet e tyre, por Kodi Zgjedhor në asnjë pjesë të tij nuk përcakton kufizim financimi të subjekteve politike në periudhat jashtë fushatave.

PD kontratë lobimi me kompani amerikane/ SPAK nis verifikimin
27 Prill, 15:23

Ligjit nr.8580 datë 17.02.2000 “Për Partitë Politike” neni 17 përcakton:

Neni 17

Burimet financiare dhe materiale të partive politike përbëhen nga kuotat e anëtarësisë, nga fondet publike, duke përfshirë edhe ndihmën financiare në masën e caktuar në Buxhetin e Shtetit të miratuar me ligj nga Kuvendi, fondet jopublike, të cilat janë dhurimet financiare, dhurimet në natyrë, shërbimet, sponsorizimet, kreditë apo garancitë e ndryshme, si edhe çdo transaksion tjetër financiar.

Si Kodi Zgjedhor po ashtu edhe Ligji për Partitë Politike, kanë një ndalim taksativ, i cili përcakton:

Ndalohet ndihma financiare dhe materiale nga qeveri dhe nga ente publike ose private të huaja, si dhe nga ente vendase publike ose me pjesëmarrje të kapitalit shtetëror. Lejohen dhuratat dhe ndihmat që vijnë nga parti ose bashkime ndërkombëtare partish, nga organizata e fondacione politike, vendase e të huaja, si dhe nga individë, persona fizikë e juridikë privatë vendas.

Bazuar në sa kam sqaruar më sipër po vazhdoj me analizën e kontratës, e cila sipas gjykimit tim mbështetur në legjislacion, është një financim në natyrë, në favor të Partisë Demokratike nga një fondacion i përfaqësuar nga shtetasi Nuredin Seci.

Kontrata e lobimit me kompaninë amerikanë/ Reagon PD: Po paguhet nga patriotët shqiptarë
26 Prill, 22:43

Pasi e lexova kontratën e lidhur mes subjektit politik Partia Demokratike dhe subjektit “Continental Strategy” LLC, unë në rolin e një audituesi kontrollova dy përcaktime të cilat Kodi Zgjedhor dhe Ligji i Partive Politike i vendos si të ndaluara:

1-Që një individ, person fizik apo juridik, në Fushatë Zgjedhore, nuk mund të financojë më shumë se 1.000.000 lekë të rinj.

2-Që ndalohet ndihma financiare nga individë, qeveri apo ente të huaja.

Shpjegojmë pikën e parë

Kontrata përcakton ofrimin e shërbimit përgjatë dy vjetëve të aktivitetit të subjektit politik Partia Demokratike, pra jo në fushatë zgjedhore, por në aktivitetin e saj dyvjeçar.

Në këto kushte pika e parë që bën pjesë te kriteret ndalesë të ligjit, NUK SHKELET.

LOBIMET NË SHBA/ Milionat e eurove që paguhen prej dekadash nga partitë shqiptare
28 Prill, 12:30

Shpjegojmë pikën e dytë

Kontrata përcakton se subjekti politik Partia Demorkatike nuk ka detyrim financiar për pagesë, por se për të ka garantuar shtetasi Nuredin Seci. Ngelet vetëm të zgjidhet çështja nëse personi është me shtetësi shqiptare apo jo.

Në lidhje me mundësinë financiare të pagesës së kësaj kontrate, atë e shikon SHBA-ja, nuk besoj se SPAK-u ka aq aftësi duke qenë se nuk ka pasur aftësi të gjejë se ku kanë shkuar milionat e eurove të inceneratorëve, sterilizimit, checkup-it, "5D"-së etj., etj.

Kjo kontratë do të kishte problem nëse pasi të mbaronte viti 2025 dhe subjekti Partia Demokratike të mos e deklaronte në pasqyrat e saj financiare.

Në vazhdim të gjithë kësaj, kam një pyetje për SPAK-un, kot sa për kureshtje:

A ka kontrolluar ndonjëherë se si shpenzohen fondet tona publike nga partitë politike?

Po për kureshtje dhe një pyetje tjetër:

A ka hetuar SPAK-u se si i shpenzoi Luli 171.143.429 lekë domethënë 1 milion e 710 mijë euro, në vitin 2023 në zgjedhjet kur nuk kishte as kandidatë?/ CNA