E fundit!

21:13 Aktualitet

“Sistemi është bllokuar”/ Akademiku Fuga: Protesta tregon se qeveria e ka humbur legjitimitetin

Akademiku Artan Fuga komentoi sot protestën qytetare kundë...

BOTA HUMBI BEKUESIN E PAQES PAPA FRANÇESKUN!

21 Prill 2025, 19:13, Opinione Besim Ndregjoni

Lajmi i ndarjes nga jeta i Shenjtërisë së Tij Papa Françeskut, për ne të mbijetuarit e diktaturës komuniste ishte një lajm i kobshëm dhe shumë tronditës, se humbi Papa që deshi paqen dhe vllazërimin në mes popujve dhe Avokatin e padiskutueshëm të mbrotjes së lirisë dhe dashurisë njerëzore.

Patëm fatin dhe privilegjin, që të ftoheshim në Vatikan direkt nga shenjtëria e Tij Papa Françesku me rastin e 50 vjetorit të revoltës antikomuniste të Spaçit një përfaqësi e Unionit Mbarkombëtar Integrimit të Burgosurve dhe të Përndjekurve Politikë të Shqipërisë të kryesuar nga pinjolli i një familje që kishte përballuar tre diktatura fashiste, naziste dhe diktaturën komuniste.

Kjo vizitë historike e përfaqësisë tonë konsakron rëndësinë e të kaluarës tonë tragjike, dhe synon njëkohësisht, përkrahjen e Selisë së Shenjtë ndaj shqiptarëve antikomunistë, që përballuan terrorin psikologjik, fizik të diktaturës enveriste e cila gjatë gjithë sundimit të saj përdori në mënyrë ekstreme ideologjinë staliniste me reprezalje në shkatërrimin e jetëve njerëzore të shoqërisë shqiptare me ringjall një Shqipëri me Zotin e për njeriun! Përfaqësia në Vatikan ishin dëshmitarët okular të epokës komuniste që jetuan, ata ishin shqiponjat e lirisë që në mes plumbave, torturave dhe terrorizmit sadist enverist, ngritën flamurin pa yll në revoltën antikomuniste të Spaçit duke mbrojtur identitetin kombëtar. Këta ishin dëshmitarë okularë të epokës komuniste në takimin historik me Papa Françeskun. Ne i treguam shenjtërisë së tij vuajtjen e pamerituar dhe forcën e karakterit për t’i qëndruar besnik vetes, duke përfshirë edhe atë të jetës.

BOTA HUMBI BEKUESIN E PAQES PAPA FRANÇESKUN!

Ne i përsëritëm Papa Françeskut, se në katastrofën komuniste, ka pasur një element që ka mbajtur një qëndrim frymëzues për ne e për breznitë e ardhshme. Ky element ka qënë popullsia me besimin katolik dhe udhëheqësit e saj shpirtëror kleri katolik. Dhe emocion i veçantë ishte kur i dorëzova letrën e At Patër Mëshkallës këtij gjigandi fetar e atdhetar, në kohën që diktatura po shembte kisha e xhami, ai kishte guximin për t’i shkruar Kryeministrit sadist kriminelit Mehmet Shehu sepse ju po e ktheni Shqipërinë, me tre besime fetare shekullore, në një vend atesit në rang botëror. Binomi “Fe e Atdhe”gjatë viteve të diktaturës së kuqe , u tregua fortesë e pathyeshme , dhe e papërkulshme! Kjo ishte e vërteta që ja përsëritëm shenjtërisë së Tij që Shqipëria ishte një shtet burg ku akuzoheshin pa faj, arrestoheshin pa faj, torturoheshin pa faj, por ata i qëndruan besnik fesë që besonin dhe nuk e harruan asnjëherë Nënën Shqipëri.

BOTA HUMBI BEKUESIN E PAQES PAPA FRANÇESKUN!

Para skuadrave të pushkatimit thërrisnin “Rroftë Shqipëria”, “Rroftë Krishti Mbret”. “Rroftë Papa” Vizita historike, bekimi dhe mbështetja e Shenjtërisë Tuaj Papa Françesku për ne të mbijetuarit e diktaturës është kambanë alarmi për ju politikanë shqiptarë që kërkoni përjetësimin e figurës së diktatorit.

Bekimi i Papa Françeskut me 25 tetor 2023 për kombin shqiptar është lumturia shpirtërore për demokracinë dhe paqen. Nuk ka paqe pa drejtësi, nuk mund të ketë drejtësi pa kërkuar t’falun, nuk mund të ketë falje pa të vërtetën.U PREHSH NË PAQE O ATI I SHENJTË !